అమెరికాలోని దక్షిణ లూసియానాలో శనివారం ఘోర ప్రమాదం జరిగింది. ఫుట్బాల్ క్రీడాకారులతో వెలుతోన్న మినీ విహాంగం నగరంలోని పోస్టాఫీసు పరిసరాల్లో కుప్పుకూలింది. మంటలు చెలరేగి అక్కడ ఉన్న కారు, విమానం పూర్తిగా దగ్ధమయ్యాయి. ఈ దుర్ఘటనలో ఐదుగురు మృతి చెందారు. మరో నలుగురు తీవ్రంగా గాయపడ్డారు. క్షతగాత్రులను ఆసుపత్రికి తరలించారు. మరణించిన వారిలో ఇద్దరు పోస్టాఫీసు సిబ్బంది, ఒకరు రోడ్డుపై ఉన్న వ్యక్తి ఉన్నారు.
కళాశాల ఫుట్బాల్ పోటీలకు వెళ్తూ..
కళాశాల ఫుట్బాల్ పోటీల్లో పాల్గొనేందుకు లూసియానా నుంచి అట్లాంటాకు బయలుదేరిన క్రమంలో ఈ ప్రమాదం జరిగింది. మృతి చెందిన వారిలో లూసియానా స్టేట్ యూనివర్సిటీ ఫుట్బాల్ టీం కోఆర్డినేటర్ కుమారుడు స్టీవెన్ ఎన్స్మింగెర్ జూనియర్ ఉన్నారు. అట్లాంటలో ఎల్ఎస్యూ, ఓక్లాహోం జట్ల మధ్య పోటీ కోసం క్రీడాకారులు వెళుతున్నారు.
