అమెరికాలోని హ్యూస్టన్​లో భారీ అగ్నిప్రమాదం!

అమెరికాలో హ్యుస్టన్​​ ప్రాంతంలోని ఇంటర్​ కాంటినెంటల్​ సంస్థ తరచూ అగ్ని ప్రమాదాలకు వేదికవుతోంది. రెండు రోజుల ముందు ఓ ట్యాంక్​ వద్ద అగ్ని ప్రమాదం సంభవించింది. తాజాగా అదే ట్యాంక్​ సమీపంలో మళ్లీ మంటలు చెలరేగాయి.

అమెరికా హ్యుస్టన్​లోని ఇంటర్​ కాంటినెంటల్​ టెర్మినల్​ కంపెనీలో భారీ అగ్ని ప్రమాదం సంభవించింది. సంస్థలోని ఓ ట్యాంక్​ వద్ద బుధవారం మంటలు చెలరేగాయి. మంటలను అదుపు చేసినప్పటికీ ఇప్పుడు ఇదే ట్యాంక్​ వద్ద అగ్ని ప్రమాదం సంభవించింది. అగ్ని కీలల వల్ల అ ప్రాంతం దట్టమైన పొగతో నిండిపోయింది.రెండు రోజుల క్రితమే ఓ ట్యాంకు ఇదేతరహాలో అగ్నికి ఆహుతైంది.

ఘటనాస్థలానికి చేరుకున్న అగ్నిమాపక సిబ్బంది మంటలు అదుపుచేయడానికి ప్రయత్నిస్తున్నారు. ప్రమాదానికి గల కారణాలపై స్పష్టత లేదని అధికారులు తెలిపారు.

పొగలో ప్రమాదకర వాయువులు:

అగ్ని ప్రమాదంతో ఏర్పడిన పొగలో ప్రమాదకర రసాయనిక వాయవులున్నట్లు అధికారులు గుర్తించారు.సమీప ప్రాంత ప్రజలు తమ నివాసాలను విడిచి బయటకు రావద్దని సూచించారు. పొగను పీల్చడం వల్ల హృదయ స్పందనలో మార్పులు, తలనొప్పి, మత్తు లాంటి సమస్యలు వస్తాయనిహెచ్చరించారు.