అమెరికాలోని అరిజోనా వైపు వెళ్తున్న విమానం కుప్పకూలిన ఘటనలో ఆరుగురు మృతిచెందారు. ఒకరికి తీవ్రంగా గాయాలయ్యాయి. ఈ ఘటన శనివారం ఉత్తర మెక్సికో సరిహద్దు సమీపంలోని సొనోరా ప్రాంతంలో జరిగింది.
సెన్నా సంస్థకు చెందిన ఈ విమానం హర్మోసిల్లో ప్రాంతం నుంచి బయలుదేరిన కొద్ది సేపటికే కుప్పకూలిందని అధికారులు స్పష్టం చేశారు. మృతుల్లో సొనోరా రాష్ట్ర ఆర్థిక శాఖకు చెందిన అధికారి ఒకరు ఉన్నారని తెలిపారు. పైలట్ కూడా మృతిచెందినట్లు పేర్కొన్నారు.
విమానం కుప్పకూలిపోవడానికి కారణాలేంటో ఇంకా తెలియాల్సి ఉంది.
ఇదీ చదవండి:వెలుగుల భవిష్యత్ కోసం 'ఎర్త్ అవర్'
