అమెరికా నార్త్వెస్ట్ వాషింగ్టన్లో ఓ దుండగుడు తుపాకీతో రెచ్చిపోయాడు. ఈ కాల్పుల(US Shooting) ఘటనలో ముగ్గురు ప్రాణాలు కోల్పోయారు. మరో ముగ్గురు తీవ్రంగా గాయపడ్డారు. వీరిని స్థానిక ఆస్పత్రికి తరలించారు. ఎవరికీ ప్రాణాపాయం లేదని వైద్యులు తెలిపారు.
బ్రైట్వుడ్లోని లాంగ్ఫెలో స్ట్రీట్ 600వ బ్లాక్లో శనివారం సాయంత్రం 7:30 గంటలకు ఈ ఘటన జరిగినట్లు పోలీసులు తెలిపారు. నిందితుడి బ్లాక్ హోండా ఎకార్డ్ సెడన్ వాహనం కోసం గాలిస్తున్నట్లు ట్విట్టర్లో ఫొటో షేర్ చేశారు. దీన్ని గుర్తించేందుకు ప్రజలు సాయం చేయాలని విజ్ఞప్తి చేశారు.
ఇదీ చదవండి: Afghan Crisis: 'అఫ్గాన్‌ వెళితే మమ్మల్ని వారు చంపేస్తారు'
