రెండోసారి కరోనాను జయించిన 104 ఏళ్ల బామ్మ

దక్షిణ అమెరికా కొలంబియాకు చెందిన 104 ఏళ్ల బామ్మ రెండోసారి కరోనాను జయించారు. 21రోజుల్లో ఆమె కొవిడ్-19 నుంచి కోలుకున్నారు. దీంతో బామ్మకు స్టాండింగ్ ఒవేషన్​ ఇచ్చి గౌరవించారు వైద్యులు.

దక్షిణ అమెరికాలోని కొలంబియాకు చెందిన 104 ఏళ్ల కార్మెన్​ హెర్నాండేజ్ అనే బామ్మ.. రెండోసారి కరోనాను జయించారు. ఆమె చికిత్స పొందిన తంజా విశ్వవిద్యాలయంలోని శాన్​ రఫేల్​ డీ ఆసుపత్రి వైద్యులు కార్మెన్​కు స్టాండింగ్​ ఒవేషన్​ ఇచ్చారు. పాతికేళ్ల కిందట తాను ముక్కు కేన్సర్​ను కూడా జయించినట్లు తెలిపారు కార్మెన్.

2020, జూన్​లో కార్మెన్ మొదటిసారి కరోనా బారినపడ్డారు. ​అప్పుడు కార్మెన్.. ఓ నర్సింగ్​ హోంలో చికిత్స పొందారు. 2021, మార్చిలో ఆమెకు రెండోసారి కరోనా సోకింది. కొలంబియాలో కరోనాతో పోరాడి విజయం సాధించిన వృద్ధుల్లో అధికమంది మహిళలే. నేషనల్​ ఇన్​స్టిట్యూట్ ఆఫ్​ హెల్త్​ ప్రకారం.. 100-101 ఏళ్ల మధ్యవారిలో 94 మంది వైరస్​ను జయించారు.

ఇదీ చదవండి : వైకల్యం అడ్డొచ్చినా.. రంగుల ప్రపంచంలో రారాజు!