మెక్సికోలోని జలిస్కో ప్రాంతంలో కొందరు దుండగులు తుపాకులతో రెచ్చిపోయారు. విచక్షణా రహితంగా కాల్పులకు తెగబడ్డారు. ఈ ఘటనలో 10 మంది మృతిచెందారు. ఓ మహిళ, ఇద్దరు చిన్నారులకు తీవ్రంగా గాయాలయ్యాయి.
పది మంది పురుషుల మృత దేహాలు దాడి జరిగిన ప్రాంతంలోని ఓ నివాసం వద్ద లభ్యమైనట్లు స్థానిక పోలీసులు తెలిపారు. కారులో వచ్చిన కొందరు ఆగంతుకులు శనివారం ఈ కాల్పులు జరిపినట్లు పేర్కొన్నారు.
గతంలోనూ జలిస్కో ప్రాంతంలో ఈ విధంగా మృతదేహాలు లభ్యమయ్యాయి. ఫిబ్రవరి మొదట్లో... వడులహర ప్రాంతంలో మానవ శరీర భాగాలున్న 18 ప్లాస్టిక్ బ్యాగ్లు పోలీసులకు దొరికాయి. 2020లో మొత్తం 189 మృతదేహాలు పోలీసులకు లభ్యమయ్యాయి.
ఇదీ చదవండి:కొవిడ్‌ నుంచి కాపాడే వారసత్వ ప్రొటీన్‌!
