Suicide Bomb Blast: సెంట్రల్ ఆఫ్రికా కాంగోలో క్రిస్మస్ వేడుకల్లో భాగంగా ఆత్మాహుతి దాడి జరిగింది. ఈ ఘటనలో ఆరుగురు ప్రాణాలు కోల్పోయారు. ఉత్తర కివు ప్రాంతం, బెనీ సిటీలోని ఓ బార్లో స్థానిక కాలమానం ప్రకారం రాత్రి 7 గంటలకు బాంబు పేలినట్లు ఓ అధికారి వెల్లడించారు. అనంతరం కాల్పులు కూడా జరిగినట్లు తెలిపారు. ఘటన స్థలానికి చేరుకుని భద్రతా సిబ్బంది క్షతగాత్రులను ఆసుపత్రికి తరలించినట్లు పేర్కొన్నారు.
ఈ ఘటనలో దాదాపు 13 మందికి తీవ్రంగా గాయాలైయ్యాయి. దాడి ఎవరు జరిపారన్నదానిపై ఇంకా స్పష్టత రావాల్సి ఉంది. ఈ ప్రాంతంలో ఇస్లామిక్ తీవ్రవాదుల ముప్పు తీవ్రంగా ఉంటుంది. గతంలో బెనీ సిటీలో పలుమార్లు ఆత్మాహుతి దాడులు జరిగాయి.
Gunfire in Northeast Brazil:
బ్రెజిల్లో కాల్పులు..
బ్రెజిల్లోని ఫోర్టాలెజాలో క్రిస్మస్ వేడుకలు జరుపుకుంటుండగా పౌరులపై కాల్పులకు తెగబడ్డారు కొందరు దుండగులు. ఈ ఘటనలో ఐదుగురు ప్రాణాలు కోల్పోయారు. ఆరుగురికి తీవ్రంగా గాయాలయ్యాయి.
కాల్పులకు పాల్పడిన వారిలో ముగ్గురు నిందితులను అధికారులు అరెస్టు చేసినట్లు స్థానిక మీడియా పేర్కొంది.
ఇదీ చదవండి:
