చర్చిలోకి ముసుగు దొంగలు.. తొక్కిసలాటలో 29 మంది మృతి

Stampede at Liberia: చర్చిలో తొక్కిసలాట జరిగి 29 మంది మృతిచెందారు. ఈ విషాద ఘటన పశ్చిమ ఆఫ్రికాలోని లిబేరియాలో జరిగింది. మృతుల్లో 11 మంది చిన్నారులు ఉన్నట్లు అధికారులు తెలిపారు.

Stampede at Liberia: పశ్చిమ ఆఫ్రికాలోని లిబేరియా దేశంలో విషాదం జరిగింది. మోనరోవియా నగరంలోని ఓ చర్చి​లో తొక్కిసలాట జరిగింది. ఈ ఘటనలో 29 మంది మృతిచెందారు. మరణించినవారిలో 11 మంది చిన్నారులు, ఓ గర్భిణీ ఉన్నట్లు అధికారులు తెలిపారు.

ముసుగు దొంగల రాకతో..

బుధవారం రాత్రి 9 గంటల సమయంలో చర్చిలో ప్రార్థనలు చేస్తుండగా.. కొంతమంది ముసుగు దొంగలు కత్తులతో చర్చిలోకి ప్రవేశించారు. దీంతో ఒక్కసారిగా భయభ్రాంతులకు గురైన ప్రజలు పరుగులు తీశారు. ఈ క్రమంలో తొక్కిసలాట జరిగినట్లు అధికారులు తెలిపారు.

మృతదేహాలను మార్చురీకి తరలించామన్నారు. క్షతగాత్రులను స్థానిక ఆస్పత్రికి తరలించామని వివరించారు.

సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!

ఇదీ చూడండి: పాక్​లో పేలుడు.. భారతీయ వస్తువులు అమ్మే మార్కెట్​ లక్ష్యంగా...