దక్షిణాఫ్రికా అధ్యక్షుడికి కరోనా- త్వరగా కోలుకోవాలని మోదీ ట్వీట్​

South africa president covid: దక్షిణాఫ్రికాలో తొలిసారి వెలుగుచూసిన ఒమిక్రాన్ వేరియంట్.. ప్రపంచ దేశాలను వణికిస్తున్న వేళ ఆ దేశాధ్యక్షుడికి ఆదివారం కరోనా సోకినట్లు తేలింది. స్వల్ప లక్షణాలతో ఉన్న ఆయన ప్రస్తుతం ఐసొలేషన్​లో ఉన్నారు. పూర్తిస్థాయి కరోనా టీకా తీసుకున్నప్పటికీ ఆయన కొవిడ్ బారినపడటం గమనార్హం.

South africa president covid: దక్షిణాఫ్రికా అధ్యక్షుడు సిరిల్‌ రామఫోసా.. కరోనా బారినపడ్డారు. స్వల్ప లక్షణాలతో ఉన్న ఆయన ప్రస్తుతం చికిత్స పొందుతున్నారని అధ్యక్ష కార్యాలయం ఓ ప్రకటనలో తెలిపింది. దక్షిణాఫ్రికాలో తొలిసారి వెలుగు చూసిన ఒమిక్రాన్​ వేరియంట్ కలవరం సృష్టిస్తున్న వేళ.. ఆ దేశాధ్యక్షుడికి కొవిడ్ సోకడం చర్చనీయాంశంగా మారింది.

"రామఫోసా అనారోగ్యంగా ఉండగా.. ఆదివారం కొవిడ్ పరీక్షలు నిర్వహించాం. అందులో ఆయనకు పాజిటివ్​గా నిర్ధరణ అయింది. కేప్​టౌన్​లో ఆయన ప్రస్తుతం స్వీయనిర్బంధంలో ఉన్నారు. దక్షిణాఫ్రికా మిలిటరీ హెల్త్ సర్వీసు అధికారులు ఆయన ఆరోగ్య పరిస్థితిని నిరంతరం పర్యవేక్షిస్తున్నారు."

-దక్షిణాఫ్రికా అధ్యక్ష కార్యాలయం

Omicron variant: పూర్తిస్థాయి కరోనా టీకా తీసుకున్నప్పటికీ రామఫోసా కరోనా బారినపడటం గమనార్హం. అయితే.. ఆయనకు ఒమిక్రాన్​ వేరియంట్ సోకిందా? లేదా? అనే విషయాన్ని అధ్యక్ష కార్యాలయం వెల్లడించలేదు.

తనకు కరోనా సోకడం ప్రజలందరికీ ఓ హెచ్చరిక అని రామఫోసా పేర్కొన్నారని అధ్యక్ష కార్యాలయం ప్రకటనలో తెలిపింది. ప్రజలంతా వైరస్​ను ఎదుర్కోవాలంటే తప్పనిసరిగా టీకా వేయించుకోవాలని రామఫోసా కోరారని చెప్పింది. అధ్యక్షుడిని ఇటీవల కలిసిన వారంతా పరీక్షలు చేయించుకోవాలని స సూచించింది.

గతవారం నాలుగు పశ్చిమాఫ్రికా దేశాల్లో రామఫోసా పర్యటించారు. ఆయనతో పాటు ఉన్న ఇతర అధికారులంతా ఆయా దేశాల్లో కరోనా పరీక్షలు చేయించుకున్నారు. నైజీరియాలో నిర్వహించిన పరీక్షల్లో కొంతమందికి పాజిటివ్​గా తేలగా వారు అక్కడి నుంచి దక్షిణాఫ్రికాకు తిరిగి చేరుకున్నారు. అయితే.. ఈ పర్యటనలో రామఫోసాతో పాటు మిగతా అధికారులకు నెగెటివ్​గానే తేలింది. డిసెంబరు 8న రామఫోసా తన పర్యటన ముగించుకుని దక్షిణాఫ్రికాకు తిరిగి వచ్చారు.

మోదీ ట్వీట్

• Wishing you a speedy recovery my friend, President @CyrilRamaphosa. https://t.co/mYudl71Dmz

  — Narendra Modi (@narendramodi) December 13, 2021 " class="align-text-top noRightClick twitterSection" data="

  Wishing you a speedy recovery my friend, President @CyrilRamaphosa. https://t.co/mYudl71Dmz

  — Narendra Modi (@narendramodi) December 13, 2021

  ">

  Wishing you a speedy recovery my friend, President @CyrilRamaphosa. https://t.co/mYudl71Dmz

  — Narendra Modi (@narendramodi) December 13, 2021

కరోనా బారిన పడ్డ రామఫోసా వేగంగా కోలుకోవాలని ప్రధానమంత్రి నరేంద్ర మోదీ ఆకాంక్షించారు. రామఫోసాను స్నేహితుడిగా అభివర్ణిస్తూ ట్వీట్ చేశారు.

ఇదీ చూడండి: బూస్టర్‌ డోసు వేసుకున్నా వదలని 'ఒమిక్రాన్‌'!

ఇదీ చూడండి: చాపకింద నీరులా కరోనా- 'ఒమిక్రాన్​'తో ఆంక్షల్లోకి దేశాలు!