'25 పేద దేశాలకు తక్షణ రుణ ఉపశమనం'​

అంతర్జాతీయ ద్రవ్యనిధి సంస్థ (ఐఎంఎఫ్​) 25 పేద దేశాలకు రుణ ఉపశమనాన్ని ప్రకటించింది. అలాగే ధనిక దేశాలు ఆయా పేద దేశాలకు ఇచ్చిన రుణాలను... ఈ మే 1 నుంచి 2021 జూన్ వరకు వసూలు చేయవద్దని ఐఎంఎఫ్​... ప్రపంచ బ్యాంకుతో కలిసి విజ్ఞప్తి చేసింది. ఈ చర్యల ఫలితంగా ఆఫ్రికాలోని దాదాపు అన్ని దేశాలతో పాటు అఫ్గానిస్థాన్, యెమెన్, నేపాల్​, హైతీలకు ఆర్థిక వెసులుబాటు కలుగనుంది.

కరోనాపై పోరాడుతున్న 25 పేద దేశాలకు తక్షణం ఆర్థిక వెసులుబాటు కలిగేలా 'అంతర్జాతీయ ద్రవ్య నిధి' సంస్థ (ఐఎం​ఎఫ్​) రుణ ఉపశమనం ప్రకటించింది.

"కరోనా మహమ్మారితో పోరాడుతున్న అత్యంత పేద దేశాలకు రుణ ఉపశమనం కలిగించడం ద్వారా... రానున్న 6 నెలలపాటు వారికి ఆర్థిక వెసులుబాటు కలుగుతుంది. ఫలితంగా ఆయా దేశాలు... తమ వద్దనున్న అత్యవసర ఆర్థిక వనరులను వైద్యంతో పాటు, ఇతర సహాయక చర్యలు చేపట్టడానికి వీలవుతుంది."

- క్రిస్టిలినా జార్జివా, ఐఎమ్​ఎఫ్​ మేనేజింగ్ డైరెక్టర్

ఆఫ్రికా దేశాలన్నింటికీ..

ఆఫ్రికాలోని దాదాపు అన్ని దేశాలతోపాటు అఫ్గానిస్థాన్​, యెమెన్​, నేపాల్​, హైతీలకు కూడా ఐఎంఎఫ్ బోర్డు రుణ ఉపశమనం కలిగిస్తూ నిర్ణయం తీసుకుంది. ధనిక దేశాలు ఆయా పేద దేశాలకు ఇచ్చిన రుణాలను... రెండేళ్ల వరకు అంటే ఈ మే 1 నుంచి 2021 జూన్ వరకు వసూలు చేయవద్దని ఐఎంఎఫ్​... ప్రపంచ బ్యాంకుతో కలిసి విజ్ఞప్తి చేసింది.

ఎబోలాపై పోరు సమయంలో...

2015లో ఎబోలాతో పోరాడుతున్న పశ్చిమ ఆఫ్రికా దేశాలను ఆదుకోవడానికి... ఐఎంఎఫ్ మొదటిసారిగా 'కెటాస్ట్రొఫె కంటైన్మెంట్​ అండ్ రిలీఫ్ ట్రస్ట్' (సీసీఆర్​టీ)ను ఏర్పాటు చేసింది. ఇప్పుడు ఇదే ట్రస్టు ద్వారా కొవిడ్​-19తో పోరాడుతున్న దేశాలకు నిధులు అందించనుంది ఐఎంఎఫ్​.

సీసీఆర్​టీకి నిధులు అందిస్తున్న దేశాల్లో జపాన్, బ్రిటన్​, చైనా, నెదర్లాండ్స్ ప్రధానమైనవి. ప్రస్తుతం ఐఎంఎఫ్ వద్ద 500 మిలియన్ డాలర్ల మేర సీసీఆర్​టీ నిధులు ఉన్నాయి.

ఇదీ చూడండి: మారని ఉత్తరకొరియా.. మరోసారి క్షిపణి పరీక్షలు!