వెంకీ మనసులో మాట- ఆ సినిమా రీ రిలీజ్ చేయాలనుందట

Victory Venkatesh Movie Re Release: టాలీవుడ్ స్టార్ హీరో విక్టరీ వెంకటేశ్ బుధవారం సైంధవ్ ట్రైలర్ ఈవెంట్​లో పాల్గొన్నారు. అయితే ఆయన నటించిన చిత్రాల్లో రీ రిలీజ్ చేయాలని ఉన్న సినిమా పేరు ఈ వేదికపై చెప్పారు.

Victory Venkatesh Movie Re Release: టాలీవుడ్​లో కొంతకాలంగా సినిమాల రీ రిలీజ్ ట్రెండ్ నడుస్తోంది. హీరో బర్త్​ డే, వివిధ సందర్భాల్లో వారి సూపర్​హిట్ సినిమాలను 4K ప్రింట్​కు అప్డేట్ చేసి మళ్లీ థియేటర్లలో రిలీజ్ చేస్తున్నారు. ఈ నేపథ్యంలో​ ఇప్పటికే అనేక మంది తెలుగు స్టార్ హీరోల సినిమాలు రాగా, మరికొంత మంది మూవీస్ రీ రిలీజ్​కు రెడీగా ఉన్నాయి. తాజాగా సైంధవ్ ట్రైలర్ రిలీజ్ ఈవెంట్​లో పాల్గొన్న విక్టరీ వెంకటేశ్​కు మీడియా నుంచి ఇదే ప్రశ్న ఎదురైంది.

'ఒకవేళ ఛాన్స్ ఉంటే మీరు నటించిన సినిమాల్లో దేనిని రీ రిలీజ్​ చేయాలనుకుంటున్నారు' అని వెంకటేశ్​ను ప్రశ్నించగా, ఆయన ఒక సెకండ్ కూడా ఆలోచించకుండా 'నువ్వు నాకు నచ్చావ్' అని చెప్పేశారు. వెంకటేశ్ ఆ సినిమా పేరు చెప్పగానే ఆడిటోరియం కేకలు, చప్పట్లతో మార్మోగిపోయింది. దీంతో వెంకటేశ్ అన్నట్లుగానే త్వరగా సినిమా రీ రిలీజ్ చేస్తే బాగుండు అని ఫ్యాన్స్ సోషల్ మీడియాలో కామెంట్లు పెడుతున్నారు.

• That’s Venky Mama 😂😂#Saindhav pic.twitter.com/NdMyzcExWH

  — Cinema Madness 24*7 (@CinemaMadness24) January 3, 2024 " class="align-text-top noRightClick twitterSection" data="

  That’s Venky Mama 😂😂#Saindhav pic.twitter.com/NdMyzcExWH

  — Cinema Madness 24*7 (@CinemaMadness24) January 3, 2024

  ">

  That’s Venky Mama 😂😂#Saindhav pic.twitter.com/NdMyzcExWH

  — Cinema Madness 24*7 (@CinemaMadness24) January 3, 2024

Nuvvu Naku Nachav: 2001లో విడుదలైన ఈ సినిమా మంచి విజయం సాధించింది. దివంగత నటి ఆర్తీ అగర్వాల్ ఈ చిత్రంలో హీరోయిన్​గా నటించింది. ఇక ప్రముఖ నటుడు ప్రకాశ్ రాజ్, సుహాసిని, బాబు మోహన్, చంద్ర మోహన్, తనికెళ్ల భరణి, బ్రహ్మానందం, సునీల్, ఎంఎస్ నారాయణ తదితరులు ఆయా పాత్రల్లో నటించారు. ప్రముఖ దర్శకుడు విజయ్ కె. భాస్కర్ ఈ సినిమా తెరకెక్కించగా, త్రివిక్రమ్ శ్రీనివాస్ మాటలు రాశారు. కోటి సంగీతం అందించిన ఆ సినిమాకు స్రవంతి రవికిశోర్ నిర్మాతగా వ్యవహరించారు.

సైంధవ్ విషయానికొస్తే: విక్టరీ వెంకటేశ్ లీడ్​రోల్​లో డైరెక్టర్ శైలేష్ కొలను 'సైంధవ్' తెరకెక్కించారు. బుధవారం ఈ సినిమా ట్రైలర్​ను గ్రాండ్​గా రిలీజ్ చేశారు. యాక్షన్​, సెంటిమెంట్ అంశాల‌ు, తండ్రీకూతుళ్ల బాండింగ్‌ జానర్​లో ఈ సినిమా ఉండనుంది. ఇక ఈ సినిమాలో శ్ర‌ద్ధా శ్రీనాథ్‌, రుహాణి శ‌ర్మ‌తో పాటు ఆండ్రియా, బాలీవుడ్ నవాజుద్దీన్ సిద్ధిఖీ, తమిళ హీరో ఆర్య తదితరులు నటించారు. సంక్రాంతి కానుకగా సైంధవ్ జనవరి 13న ప్రేక్షకుల ముందుకు రానుంది.

• " class="align-text-top noRightClick twitterSection" data="">