ఒకప్పుడు భారతీయ సినిమా అంటే బాలీవుడ్ వైపే చుసేవారు. కానీ ఇప్పుడు ఆ పరిస్థితి పూర్తిగా మారిపోయింది. ఇండియన్ సినిమా అంటే రీజినల్ భాషల్లో తెరకెక్కుతున్న భారీ సినిమాల వైపే చూస్తోంది సినీ జగత్తు. బాహుబలి దెబ్బతో రీజినల్ సినిమా కాస్త ఇండియన్ సినిమాగా మారిపోయింది. తెలుగు రేంజ్ను బాహుబలి ఎలా మార్చిందో.. కన్నడ సినిమాల రేంజ్ను 'కేజీఎఫ్' అలాగే చేసింది. తాజాగా వచ్చిన 'కాంతార' అద్భుత విజయం సాధించింది. దీంతో ఇప్పుడు అందరి దృష్టి రాబోయే కన్నడ సినిమాలపైనే ఉంది. అయితే కన్నడలో భారీ స్థాయిలో తెరకెక్కుతున్న సినిమాలు ఇవే. ఓ లుక్కేయండి.
ప్రొడక్షన్ నంబర్1
కన్నడ సూపర్ స్టార్ శివరాజ్ కుమార్ కథానాయకుడిగా యాక్షన్ థ్రిల్లర్ తెరకెక్కుతోంది. ఈ సినిమాకు కార్తిక్ అద్వైత్ దర్శకత్వం వహిస్తున్నారు. పాన్ ఇండియా చిత్రంగా రూపొందుతున్న ఈ చిత్రం షూటింగ్ వచ్చే ఏడాదిలో ప్రారంభం కానుంది. సుధీర్ చంద్ర పదిరి నిర్మాతగా వ్యవహరిస్తున్నారు.
ఏఏ04
కన్నడ నుంచి రాబోతున్న మరో పాన్ ఇండియా చిత్రం ఏఏ04. అభిషేక్ అంబరీశ్ కథానాయకుడిగా మంచి యాక్షన్ ఎంటర్టైనర్ జోనర్లో ఈ చిత్రం రూపొందుతోంది. రాక్లైన్ వెంకటేశ్ నిర్మాతగా వ్యవహరిస్తున్నారు. రాఘవేంద్ర వి స్వరాలు సమకూర్చుతున్నారు.
వేధ
కన్నడ సూపర్ స్టార్ శివరాజ్ కుమార్ కథానాయకుడిగా తెరకెక్కుతున్న చిత్రం 'వేధ'. పీరియాడికల్ డ్రామాగా రూపొందుతున్న ఈ చిత్రంలో శివరాజ్ కుమార్ సరసన గనవి లక్షణ్ లీడ్ రోల్లో నటిస్తోంది. ఉమశ్రీ, అధితి సాగర్, రఘు శివమొగ్గ, జగ్గప్ప, చెలువరాజ్. భరత్ సాగర్, ప్రసన్న, వినయ్, సంజీవ్ తదితరులు ప్రధాన పాత్రలో నటిస్తున్నారు. ఈ చిత్రానికి అర్జున్ జన్య సంగీతం అందిస్తున్నారు. గీత శివరాజ్ కుమార్, జీ స్టుడియోస్ సంయుక్తంగా ఈ సినిమాను నిర్మిస్తున్నారు.
సప్తసాగరచ్చే ఎల్లో
కన్నడ నుంచి వస్తున్న మరో చిత్రం 'సప్తసాగరచ్చె ఎల్లో'. రొమాంటిక్ డ్రామాగా తెరకెక్కుతున్న ఈ సినిమాను హేమంత్ ఎమ్ రావు డైరెక్ట్ చేస్తున్నారు. రక్షిత్ శెట్టి, రుక్మిణి వసంత్ లీడ్ రోల్స్ పోషిస్తున్నారు. ఈ సినిమాకు చరణ్ రాజ్ సంగీతం అందిస్తున్నారు. పుష్కర్ ఫిల్మ్స్ బ్యానర్పై పుష్కర మల్లికార్జునయ్య తెరకెక్కిస్తున్నారు. ఈ సినిమా 18 నవంబర్ 2022న విడుదలకు సిద్ధంగా ఉంది.
మార్టిన్
మార్టిన్.. మంచి యాక్షన్ ఎంటర్టైనర్గా రూపొందుతున్న చిత్రం. ధ్రువ్ సర్జా లీడ్ రోల్ పోషిస్తున్న ఈ చిత్రానికి ఏపీ అర్జున్ దర్శకత్వం వహిస్తున్నారు. వైభవి షందిల్య లీడ్ రోల్ పోషిస్తున్నారు. మెలోడీ బ్రహ్మ మణిశర్మ స్వరాలు సమకూరుస్తున్నారు. ఈ సినిమాను ఉదయ్ కే మెహతా నిర్మిస్తున్నారు. ఈ సినిమా 18 నవంబర్ 2022 విడుదల అయ్యే అవకాశాలున్నాయి.
కాబ్జా
కన్నడతో పాటు తెలుగులో మంచి గుర్తింపు తెచ్చుకున్న నటుడు ఉపేంద్ర. అతడు లీడ్ రోల్ పోషిస్తున్న చిత్రం కాబ్జా. ఈ సినిమాకు ఆర్ చంద్రు దర్శకత్వం వహిస్తున్నారు. శ్రియ శరన్, మురళి శర్మ ప్రధాన పాత్రల్లో నటిస్తున్నారు. ఈ సినిమా 25 డిసెంబర్ 2022న విడుదలయ్యే అవకాసం ఉంది.
బిల్లా రంగా బాషా
విలక్షణ నటుడు కిచ్చా సుదీప్ నటిస్తున్న సినిమా బిల్లా రంగా బాషా. విక్రాంత్ రోణ సినిమాకు దర్శకత్వ వహించిన దర్శకుడు అనూప్ భండారి ఈ చిత్రానికి కూడా దర్శకత్వం వహిస్తున్నాడు.
క్రాంతి
'క్రాంతి'.. యాక్షన్ డ్రామాగా తెరకెక్కుతోంది. వి హరికృష్ణ దర్శకత్వం వహిస్తున్నారు. దర్శన్ లీడ్ రోల్లో నటిస్తున్న ఈ చిత్రానికి శైలజా నాగ్ నిర్మాతగా వ్యవహరిస్తున్నారు. అయితే ఈ సినిమాను 25 డిసెంబర్ 2022న విడుదల చేయబోతున్నారని సమాచారం.
కేజీఎఫ్-3
సాధారణ చిత్రంగా విడుదలై.. దేశ వ్యాప్తంగా సంచలనం సృష్టించింది కేజీఎఫ్ చిత్రం. దీంతో కేజీఎఫ్ పార్డ్ 2పై భారీ అంచనాలు ఏర్పడ్డాయి. ఆ అంచనాలకు తగ్గట్టుగా పార్ట్ 2 కూడా మంచి విజయం సాధించింది. అయితే కేజీఎఫ్ ఫ్రాంచైజీ నుంచి వస్తున్న మరో పాన్ ఇండియా చిత్రం కేజీఎఫ్ 3. ఈ చిత్రం గురించి ఇంతవరకు అధికారికంగా సమాచారం లేదు. అయితే ఇంతకుముందు ఈ సినిమా షూటింగ్ ఆ ఏడాది డిసెంబర్లో ప్రారంభవుతుందని కథనాలు వచ్చాయి. అధికారికంగా ఇంకా ఏ సమాచారం లేదు.
ఇవీ చదవండి : మేం డబ్బున్నోళ్లం కాదు ప్రతిభ ఉంటేనే అవకాశాలు వస్తాయి
'జల్లికట్టు' దర్శకుడితో మోహన్లాల్.. ధనుష్‌ చిత్రంలో శివరాజ్కుమార్!
