Thalapathy vijay Leo movie : కోలీవుడ్ స్టార్ హీరో దళపతి విజయ్- డైరెక్టర్‌ లోకేశ్‌ కనగరాజ్‌ కాంబినేషన్‌లో రూపొందుతున్న సరికొత్త చిత్రం 'లియో'. మాస్, యాక్షన్‌ ఎంటర్‌టైనర్‌గా తెరకెక్కుతున్న ఈ సినిమాలో విజయ్ సరసన త్రిష నటిస్తోంది. విజయ్- త్రిష కలిసి దాదాపు 14ఏళ్ల తర్వాత కలిసి నటిస్తున్నారు. బాలీవుడ్ స్టార్ యాక్టర్ సంజయ్‌ దత్‌, ప్రియా ఆనంద్‌, గౌతమ్ వాసుదేవ మేనన్‌, మిస్కిన్‌ వంటి నటీనటులు ఇతర ప్రధాన పాత్రల్లో నటిస్తున్నారు.
రీసెంట్గా ఈ చిత్రం నుంచి రిలీజ్ అయినా 'నా రెడీ' సాంగ్ ప్రస్తుతం యూట్యూబ్లో ఫుల్ ట్రెండ్ అవుతోంది. అయితే ఇప్పుడిదే పాట మూవీటీమ్ను చిక్కుల్లోకి నెట్టింది. ఈ సాంగ్లో డ్రగ్స్ వాడకం, రౌడీయిజాన్ని ఎక్కువగా చూపించారు. దీంతో చెన్నైలోని కొరుక్కుపెట్టాయ్(Korukkuppettai) ప్రాంతానికి చెందిన సామాజిక కార్యకర్త ఆర్‌టీఐ.సెల్వం కోర్టును ఆశ్రయించారు. హీరో విజయ్ దళపతి, మిగితా మూవీటీమ్పై ఆన్‌లైన్‌లో ఫిర్యాదు చేశారు. నార్కోటిక్‌ కంట్రోల్‌ యాక్ట్‌ కింద వారిపై చర్యలు తీసుకోవాలని విజ్ఞప్తి చేశారు.
LEO Na Ready song : నా రెడీ సాంగ్ విషయానికొస్తే.. ఈ పాటను హీరో విజయ్-అనిరుధ్ రవిచంద్రన్ పాడారు. విష్ణు ఎడవన్.. లిరిక్స్ అందించారు. ఈ పాట ప్రారంభం నుంచి చివరి వరకు మాస్ బీట్‍తో అదిరిపోయింది. అచ్చం విజయ్ ఫ్యాన్స్ కోరుకునే విధంగా ఉంది. ఈ సాంగ్లో నోట్లో బీడీతో విజయ్ మాస్ లుక్‍తో ఫ్యాన్స్కు బాగా ఆకట్టుకుంది. భారీ సంఖ్యలో డ్యాన్సర్లతో ఈ సాంగ్ను గ్రాండ్గా రూపొందించారు. అలాగే విజయ్ కూడా మాస్ స్టెప్పులతో అదరగొట్టారు.
- " class="align-text-top noRightClick twitterSection" data="">
lokesh kanagaraj vijay new movie : 'మాస్టర్‌' తర్వాత విజయ్ - లోకేశ్‌ కనగరాజ్‌ కాంబినేషన్‌లో రూపొందుతున్న చిత్రం 'లియో'. 7 స్క్రీన్‌ స్టూడియో పతాకంపై ఎస్‌.ఎస్‌ లలిత్‌ కుమార్‌ నిర్మిస్తున్నారు. దీంతో ఈ సినిమాపై ప్రేక్షకుల్లో మంచి అంచనాలు ఏర్పడ్డాయి. రీసెంట్గా కశ్మీర్‌లో భారీ షెడ్యూల్ పూర్తి చేసుకుందీ చిత్రం. ప్రస్తుతం గత కొన్నిరోజుల నుంచి చెన్నైలో ఈ మూవీ షూటింగ్ జరుపుకుంటోంది. అక్టోబర్‌లో ఈ సినిమాను థియేటర్లలో ప్రేక్షకుల ముందుకు తీసుకురావడానికి మూవీటీమ్ సన్నాహాలు చేస్తోంది. తమిళంతో పాటు తెలుగు, హిందీ, కన్నడ, మలయాళంలోనూ ఈ చిత్రం విడుదల అయ్యే అవకాశం ఉంది.
Leo movie first look : అంతకుముందు గురువారం జూన్ 22న విజయ్ పుట్టినరోజు సందర్భంగా 'లియో' ఫస్ట్‌లుక్‌ను రిలీజ్ చేశారు. విజయ్ చేతిలో రక్తంతో తడిసిన సుత్తితో పాటు వెనకాల తోడేలు కనిపిస్తూ ఉన్న లుక్‌.. చిత్రం పై భారీగా అంచనాలను పెంచింది.
ఇదీ చూడండి :
'లియో' కశ్మీర్ షెడ్యూల్.. గడ్డ కట్టించే చలిలోనూ షూటింగ్.. స్పెషల్ వీడియో రిలీజ్
రిలీజ్కు ముందే రూ.400 కోట్ల బిజినెస్.. 'లియో' లెక్కలు చూస్తే మతి పోవాల్సిందే!
