Tamil Movie Tollywood : ఒకప్పుడు తమిళ అనువాద చిత్రాలకు ఫుల్ క్రేజ్ ఉండేది. పాన్ ఇండియా లెవల్లో సంచలనం సృష్టించిన సందర్భాలు ఉన్నాయి. తెలుగులోనూ అక్కడి చిత్రాలు సత్తా చాట్టాయి. ఆ హీరోలకు కూడా ఇక్కడ మంచి మార్కెట్ ఉంది. 2000వ దశకంలో అయితే చంద్రముఖి, గజిని, అపరిచితుడు, శివపుత్రుడు, శివాజి, రంగం, రోబో లాంటి ఎన్నో అనువాద చిత్రాలు ఇక్కడ బాక్సాఫీస్ ముందు వసూళ్ల మోత మోగించి రికార్డులు క్రియేట్ చేశాయి.
అయితే గత దశాబ్ద కాలంలో కాస్త పరిస్థితులు మారాయి. తెలుగు సినిమాల రేంజ్ బాగా పెరిపోయింది. మార్కెట్ పరిధి కూడా పెరిగిపోయింది. మరీ ముఖ్యంగా 'బాహుబలి' పుణ్యమా అంటూ వరల్డ్ వైడ్గా టాలీవుడ్ పాపులారిటీ పెరిగిపోయింది. అదే సమయంలో తమిళ సినిమా హవా కూడా కాస్త తగ్గింది. అనువాద చిత్రాలకు ఇక్కడ కాస్త డిమాండ్ తగ్గింది. అయితే కోలీవుడ్ మాత్రం ఎప్పుడు టాలీవుడ్కు పోటీ ఇవ్వాలనే ఆలోచనతోనే ముందుకెళ్తుంటుంది. ఈ క్రమంలోనే మళ్లీ కోలీవుడ్ వేగం క్రమక్రమంగా పుంజుకుంటోంది. అలాగే టాలీవుడ్లో కోలీవుడ్ సినిమాలకు మళ్లీ మార్కెట్ పెరుగుతోంది. ఇప్పటికే పొన్నియిన్ సెల్వన్, విక్రమ్, వారసుడు, బిచ్చగాడు-2 లాంటి చిత్రాలకు ఇక్కడ మంచి కలెక్షన్లే వచ్చాయి. తాజాగా రజనీకాంత్ 'జైలర్'(Jailer movie collections) కూడా టాలీవుడ్ బాక్సాఫీస్ ముందు వసూళ్ల వర్షం కురిపిస్తోంది. ఇప్పటికే దాదాపు రూ.50 కోట్ల గ్రాస్ మార్కును దాటిందని ట్రేడ్ వర్గాలు అంటున్నాయి.
Leo Movie Telugu Rights : దీంతో రాబోయే తమిళ అనువాదా చిత్రాలకు తెలుగులో మరింత డిమాండ్ పెరిగే పరిస్థితులు ఏర్పడ్డాయి. దసరాకు రిలీజ్ కానున్న విజయ్ లియో సినిమాకు రికార్డ్ సెట్ చేసేలా కనిపిస్తోంది. అందులోనూ దర్శకుడు లోకేశ్ కనకరాజ్ ఈ సినిమా తీయడంతో భారీ అంచనాలు ఉన్నాయి. పైగా సినిమాలో యాక్షన్ కింగ్ అర్జున్, సంజయ్ దత్, త్రిష లాంటి భారీ కాస్టింగ్ ఉంది. తెలుగు రైట్స్కు మంచి ధర కూడా దక్కిందని సమాచారం అందుతోంది.
Suriya Kanguva Telugu Rights :ఇక మరో అనువాద చిత్రం సూర్య 'కంగువా'. ఆయనకు కూడా ఇక్కడ మంచి మార్కెట్ ఉంది. కానీ కొంతకాలంగా సూర్య భారీ హిట్ను అందుకోలేదు. కానీ కంగువా టీజర్ మాత్రం సెన్సేషన్ క్రియేట్ చేసింది. దానికి తోడు విక్రమ్ రోలెక్స్ పాత్రతో ఆయన తన క్రేజ్ను అమాంతం పెంచేసుకున్నారు. దీంతో ఈ సినిమాకు ఇక్కడ కూడా బాగానే డిమాండ్ ఏర్పడింది. కాబట్టి 'లియో', 'కంగువా' చిత్రాలకు టాలీవుడ్లో భారీ ఓపెనింగ్స్ రావొచ్చని ట్రేడ్ పండితులు అభిప్రాయపడుతన్నారు. సినిమా బాగుంటే మంచి వసూళ్లను కూడా వచ్చేస్తాయి.
