SSMB 29 Cinematographer : 'ఆర్ఆర్ఆర్' సక్సెస్ తర్వాత దర్శక ధీరుడు రాజమౌళి ప్రస్తుతం మహేశ్ బాబు సినిమాపై వర్క్ చేస్తున్నారు. ఇప్పటికే ఆయన తన టీమ్తో పాటు స్క్రిప్టింగ్ పనిలో ఉన్నారు. అది పూర్తయిన తర్వాత అఫీషియల్గా అనౌన్స్ చేయనున్నారని సమాచారం. అయితే మహేశ్ ఇప్పుడు 'గుంటూరు కారం' షూటింగ్లో బిజీగా ఉన్నందున ఈ సినిమా కంప్లీట్ అయ్యాక జక్కన్న ప్రాజెక్ట్ వచ్చే ఏడాది సెట్స్పైకి వెళ్లనున్నదట.
రాజమౌళి సినిమా అంటే అందులో కీరవాణి పాటలతో పాటు సెంథిల్ కుమార్ సినిమాటోగ్రాఫీ ఉంటుందన్న సంగతి అందరికీ తెలిసిందే. 'బాహుబలి','ఆర్ఆర్ఆర్', సినిమాలకు సెంథిల్ వర్క్ చేశారు. అయితే రాజమౌళి- మహేశ్ సినిమాకి మాత్రం జక్కన్న మరో సినిమాటోగ్రాఫర్ను ఎంపిక చేశారట. దీనికి కారణం సెంథిల్ ప్రస్తుతం డైరెక్టర్గా ప్రయత్నాలు చేస్తున్నారట. దీంతో సెంథిల్ ప్లేస్లో పిఎస్ వినోద్ పనిచేయనున్నారట. వినోద్.. 'పంజా', 'ధృవ', 'అల వైకుంఠపురంలో', 'అరవింద సమేత' లాంటి చిత్రాలకు సినిమాటోగ్రాఫర్గా పని చేశారు.
మరోవైపు మహేశ్ బాబుతో జక్కన్న తెరకెక్కించనున్న సినిమా పాన్ వరల్డ్ రేంజ్లో రూపొందుతోంది. దీంతో ఈ సినిమా 'ఆర్ఆర్ఆర్'ను మించిపోయేలా హాలీవుడ్ స్టాండర్డ్స్లో నిర్మిస్తున్నారు. ఇక ఈ సినిమాతో వినోద్ కచ్చితంగా స్టార్ సినిమాటోగ్రాఫర్గా మారే అవకాశాలు కనిపిస్తున్నాయి. ఇక పీఎస్ వినోద్.. మాటల మాంత్రికుడు త్రివిక్రమ్కు ఫేవరేట్ కెమెరామెన్గా ఉన్నారు. ఆయన సినిమాలకి వినోద్ వరుసగా పని చేస్తున్నారు.
SSMB 29 Story Line : ఇండియానా జోన్స్ లాంటి అడ్వెంచర్ సినిమాల తరహాలో ఉండనున్న ఈ సినిమాలోయయ మహేశ్ బాబు క్యారెక్టర్ రామాయణంలోని హనుమంతుడి పాత్రను పోలి ఉంటుందన్న వార్తలు వినిపిస్తున్నాయి. అడవుల్లో జరిగే అక్రమాలపై మహేశ్ బాబు పోరాడనున్నారట. ఆఫ్రికన్ అడవుల నేపథ్యంతో సాగనున్న ఈ సినిమా షూటింగ్ అమెజాన్ అడవుల్లో జరగనున్నట్లు సమచారం. ఇక ఈ సినిమా కోసం జక్కన్న.. హాలీవుడ్ నుంచి భారీ వీఎఫ్ఎక్స్ టెక్నీషియన్స్ను రంగంలోకి దింపనున్నారట. ఈ సినిమాను మూడు భాగాల్లో తెరకెక్కించనున్నారన్న వార్తలు కూడా అప్పట్లో జోరందుకున్నాయి.
Mahesh Rajamouli Movie : జక్కన్న - మహేశ్ సినిమాలో విలన్గా టాలీవుడ్ స్టార్ హీరో!
మహేశ్ ఫ్యాన్స్కు ముందుగానే దీపావళి షురూ - గుంటూరు కారం 'దమ్ మసాలా' సాంగ్ ప్రోమో వచ్చేసిందోచ్
