Drugs Case Siddhanth kapoor: సినీ ఇండస్ట్రీలో డ్రగ్స్ వ్యవహారం మరోసారి తెరపైకి వచ్చింది. ఇప్పటికే చిత్రపరిశ్రమకు చెందిన పలువురు ఈ మాదక ద్రవ్యాల కేసులో విచారణలు ఎదుర్కొంటుండగా.. తాజాగా బాలీవుడ్ ప్రముఖ హీరోయిన్ శ్రద్ధాకపూర్ సోదరుడు, నటుడు సిద్ధాంత్ కపూర్ను పోలీసులు అరెస్ట్ చేశారు. ఆదివారం రాత్రి బెంగళూరులోని ఓ హోటల్లో జరిగిన రేవ్ పార్టీపై రైడ్ చేసిన అధికారులు అతడిని అదుపులోకి తీసుకున్నారు. ఇతడితో పాటు మరో ఐదుగురిని అరెస్ట్ చేసినట్లు తెలిసింది. వీరంతా ఆ సమయంలో డ్రగ్స్ తీసుకున్నట్లు తెలిసింది. ఈ విషయాన్ని పోలీసులు తెలిపారు.
కాగా, నటుడు సుశాంత్ సింగ్ రాజ్పుత్ ఆత్మహత్య కేసులో డ్రగ్స్ వ్యవహారం వెలుగులోకి వచ్చి సంచలనం సృష్టించింది. ఇందులో భాగంగా నార్కోటిక్స్ కంట్రోల్ బ్యూరో ప్రశ్నించిన వారిలో శ్రద్ధాకపూర్ కూడా ఉన్నారు. అనంతరం గతేడాది ముంబయి తీరంలోని ఓ క్రూజ్‌ నౌకలో మాదక ద్రవ్యాలు లభించడం.. అదే నౌకలో షారుక్ ఖాన్ తనయుడు ఆర్యన్ ఖాన్ ఉండటం సంచలనంగా మారింది. ఈ కేసులో అరెస్ట్ అయిన ఆర్యన్ ఖాన్‌కు ఇటీవలే క్లీన్‌చిట్‌ లభించింది.
ఇదీ చూడండి: ఆమిర్ 'త్రిబుల్' ధమాకా.. టైమ్స్‌స్క్వేర్‌లో 'రాకెట్రీ' ట్రైలర్
