Shine Tom Chacko Wedding : ప్రముఖ మలయాళ నటుడు, 'దసరా' విలన్ షైన్ టామ్ చాకో త్వరలో పెళ్లిపీటలెక్కబోతున్నారు. ఈ మేరకు ఫేమస్ మోడల్ తనూజ- టామ్ చాకో నిశ్చితార్థం జనవరి 1న జరిగింది. కుటుంబ సభ్యులు, స్నేహితుల సమక్షంలో జరిగిన ఈ ఎంగేజ్మెంట్ వేడుకకు సంబంధించిన ఫొటోలను చాకో మంగళవారం సోషల్ మీడియా వేదికగా షేర్ చేసుకున్నారు. చాలా మంది సినీ సెలెబ్రిటీలు శుభాకాంక్షలు చెప్పారు. అభిమానులు, నెటిజన్లు కూడా ఈ జంటకు విషెస్ చెబుతూ కామెంట్స్ చేస్తున్నారు.
కొన్నాళ్ల నుంచి చాకో, తనూజా లవ్‍లో ఉన్నారని రూమర్స్ వచ్చాయి. వాటిని నిజం చేస్తూ కొద్ది రోజుల క్రితం తనూజాతో తన రిలేషన్షిప్ను ప్రకటించారు చాకో.
Shine Tom Chacko Movies : షైన్ టామ్ చాకో కొన్నాళ్లు అసిస్టెంట్‌ డైరెక్టర్‌గా పలు సినిమాలకు పనిచేశారు. ఆ తర్వాత 2011లో 'గడ్డమ' అనే చిత్రంలో నటుడిగా తన అదృష్టాన్ని పరీక్షించుకున్నారు. పలు చిత్రాల్లో విభిన్న పాత్రలు పోషించి మలయాళ ప్రేక్షకులను అలరించారు. విలక్షణ నటుడిగా చాకో పేరు తెచ్చుకున్నారు. అలా తమిళ దర్శకుల కళ్లలో పడి 'బీస్ట్'తో చిత్రంలో నటించే అవకాశం సంపాదించాడు.
దళపతి విజయ్‌ హీరోగా తెరకెక్కిన 'బీస్ట్' సినిమా మంచి విజయం సాధించింది. ఆ తర్వాత నేచురల్ స్టార్ నాని ప్రధాన పాత్రలో తెరకెక్కిన 'దసరా' సినిమాలో విలన్ పాత్ర పోషించారు. ఈ సినిమా బాక్సాఫీసు వద్ద హిట్ టాక్ తెచ్చుకుంది. ఈ సినిమాలో చాకో నటనకు మంచి మార్కులు పడ్డాయి. ఆ తర్వాత యంగ్ హీరో నాగశౌర్య సినిమా 'రంగబలి'తో తెలుగు ప్రేక్షకులను మరోసారి ఆకట్టుకున్నారు. ఇటీవల కోలీవుడ్ సినిమా 'జిగర్తాండ డబుల్ ఎక్స్'లోనూ కీలక పాత్ర పోషించారు. ప్రస్తుతం యంగ్ టైగర్ ఎన్టీఆర్‌ హీరోగా కొరటాల శివ దర్శకత్వంలో తెరకెక్కుతున్న 'దేవర' చిత్రంలో కీలక పాత్ర పోషిస్తున్నారు. దాంతో పాటు మలయాళంలోనూ మరో రెండు సినిమాలకు సైన్ చేశారు షైన్ చాన్ చాకో.
రూ.1,500 కోట్ల బడ్జెట్తో మహేశ్, రాజమౌళి సినిమా- రూ.100 కోట్లతో ప్రత్యేక సెట్!
ఆ హీరోయిన్తోనే సిద్ధార్థ్ పెళ్లి- స్పెషల్ పోస్ట్తో క్లారిటీ!
