భారీ అంచనాలతో విడుదలైన షారుక్ ఖాన్ పఠాన్ ఫ‌స్ట్ డే బాక్సాఫీస్ మందు దుమ్మురేపింది. తొలి రోజే హాఫ్ సెంచరీ బాదేసింది. రూ. 55 కోట్ల వసూళ్లను అందుకుందని సినీ విశ్లేషకుడు తరణ్ ఆదర్శ్ తెలిపారు. అయితే రెండో రోజు పూర్తయ్యేసరికి కచ్చితంగా రూ.100కోట్లు అందుకుంటుందని అంచనా వేశారు. బాలీవుడ్లో తొలిరోజు హ‌యెస్ట్ క‌లెక్ష‌న్స్తో భారీ ఓపెనింగ్ను అందుకున్న తొలి సినిమాగా నిలిచిందని ఆయన పేర్కొన్నారు. ఆ తర్వాత స్థానాల్లో కేజీయఫ్(హిందీ) రూ.53.95కోట్లు, వార్(రూ.51.60కోట్లు), థగ్స్ ఆఫ్ ఇండియా(రూ.50.75కోట్లు) ఉన్నాయి.
కాగా, స్పై యాక్ష‌న్ థ్రిల్ల‌ర్‌గా తెర‌కెక్కిన ఈ సినిమాకు సిద్ధార్థ్ ఆనంద్ ద‌ర్శ‌క‌త్వం వ‌హించారు. ఇందులో ఇండియ‌న్ రా ఏజెంట్గా షారుక్ ఖాన్ కనిపించారు. ఇక ఐఎస్ఐ ఏజెంట్ పాత్ర‌లో దీపికా ప‌డుకొణె నటించారు. బాలీవుడ్ భాయ్ స‌ల్మాన్‌ ఖాన్ అతిథి పాత్ర‌లో కనిపించి సినిమాకే హైలైట్గా నిలిచారు. భార‌త‌దేశంపై దాడికి ప్రణాళిక రచించిన ఓ ప్రైవేట్ ఏజెంట్ ప్లాన్‌ను పఠాన్ ఎలా మట్టుబెట్టాడన్నదే ఈ సినిమా కథాంశం. క‌థ కన్నా యాక్ష‌న్ అంశాల‌కే అధికంగా ప్రాముఖ్య‌త‌నిస్తూ ద‌ర్శ‌కుడు సిద్ధార్థ్ ఆనంద్ ఈ సినిమాను తెర‌కెక్కించారు.
ఇదీ చూడండి: చిరుకు రూ.50కోట్లు రెమ్యునరేషన్!.. మరి బాలయ్య, వెంకీ, నాగ్కు ఎంతో తెలుసా?
