RC 15 Shankar Clarity: డెరెక్టర్ శంకర్-మెగా పవర్ స్టార్ రామ్చరణ్ ప్రాజెక్టు మీద గత కొద్దిరోజులుగా వస్తున్న రూమర్లు అన్నీఇన్నీ కావు. ఆర్ట్ డైరెక్టర్ విషయంలో సమస్యలు రావడంతోనే సినిమా ఆగిపోయిందని, అందుకే శంకర్ కోపంతో ఇండియన్ 2 ప్రారంభించారని వార్తలు వచ్చాయి. అయితే వాటిపై శంకర్ క్లారిటీ ఇచ్చి రూమర్లకు చెక్ పెట్టారు.
"హాయ్.. ఎవ్రీవన్.. ఇండియన్ 2, ఆర్సీ 15 రెండు కూడా ఒకేసారి షూటింగ్ జరుగుతాయి.. సెప్టెంబర్ ఫస్ట్ వీక్‌లో హైదరాబాద్, వైజాగ్‌లో షూటింగ్‌కు రెడీగా ఉండండి.."అంటూ శంకర్ ట్వీట్ చేశారు.
మొత్తానికి RC 15 ప్రాజెక్ట్ త్వరలోనే సెట్స్ మీదకు రాబోతోంది. ఈ ప్రాజెక్టు మీద వచ్చిన ఊహాగానాలతో మెగా అభిమానులు కాస్త ఆందోళన చెందినా ఇప్పుడు హ్యాపీగా ఫీలవుతున్నారు. ఆర్సీ 15ను దిల్‌రాజు, శిరీష్‌ సంయుక్తంగా నిర్మిస్తున్నారు. కియారా అడ్వాణీ కథానాయిక. శ్రీకాంత్‌, అంజలి, సునీల్‌, జయరామ్‌ తదితరులు కీలక పాత్రలు పోషిస్తున్నారు. ఈ సినిమా ఇప్పటికే 60 శాతం వరకు చిత్రీకరణ పూర్తి చేసుకున్నట్లు తెలిసింది. డిసెంబర్‌ నాటికి మొత్తం పూర్తి చేయాలని లక్ష్యం నిర్దేశించుకున్నట్లు సమాచారం. ఈ సినిమాలో రామ్చరణ్ మూడు భిన్నమైన గెటప్పుల్లో కనిపించనున్నారు. సంగీతం- తమన్‌, మాటలు- సాయిమాధవ్‌ బుర్రా, ఛాయాగ్రహణం- తిరు, ఆర్.రత్నవేలు అందిస్తున్నారు.
ఇవీ చదవండి: మళ్లీ థియేటర్లలో సందడి చేయనున్న అవతార్, ఆ ఎఫెక్ట్స్తో సరికొత్తగా
