బాలీవుడ్ బాద్షా షారుక్ ఖాన్, స్టార్ హీరోయిన్ దీపికా పదుకొణె జంటగా తెరకెక్కిన స్పై యాక్షన్ థ్రిల్లర్ చిత్రం 'పఠాన్'. జనవరి 25న విడుదలైన ఈ సినిమా.. సూపర్ పాజిటివ్ టాక్తో దూసుకుపోతోంది. బాక్సాఫీస్ వద్ద రికార్డులు బద్దలు కొడుతోంది. వసూళ్లు వర్షం కురిపిస్తోంది. ఇప్పటికే ప్రపంచవ్యాప్తంగా ఈ సినిమా రూ.1000 కోట్లకుపైగా వసూళ్లు సాధించింది. తాజాగా ఈ చిత్రబృందం అభిమానులకు గుడ్న్యూస్ చెప్పింది.
సినీ ప్రియుల కోసం యశ్రాజ్ ఫిలింస్ సంస్థ క్రేజీ ఆఫర్ను ప్రకటించింది. ఈ సినిమా టికెట్లపై మూడు రోజుల పాటు బంపర్ ఆఫర్ ప్రకటించింది. ఒక టికెట్ కొంటే మరో టికెట్ ఫ్రీగా పొందవచ్చని తెలిపింది. ఈ విషయాన్ని సోషల్ మీడియాలో వెల్లడించింది. ఈ ఆఫర్ హిందీ, తమిళ్, తెలుగు భాషల్లో వర్తిస్తుందని పేర్కొంది. పఠాన్ సెలబ్రేషన్స్ పేరిట ఈ ఆఫర్ను ప్రకటించింది చిత్రబృందం.
పఠాన్ కోడ్ ఉపయోగించి టికెట్స్ బుక్ చేసుకోవచ్చని తెలిపింది. ఈ ఆఫర్ మార్చి 3, 4, 5 తేదీల్లో మాత్రమే అందుబాటులో ఉంటుందని పేర్కొంది. అయితే ఫస్ట్ కమ్- ఫస్ట్ సర్వ్ కింద టికెట్లను కేటాయించనున్నట్లు చెప్పింది.
- " class="align-text-top noRightClick twitterSection" data="
">
