Salaar Teaser : పాన్ఇండియా స్టార్ ప్రభాస్ లీడ్ రోల్లో నటిస్తున్న సాలిడ్ యాక్షన్ మూవీ 'సలార్'. 'కేజీయఫ్' సిరీస్ లాంటి బ్లాక్ బస్టర్ను అందించిన స్టార్ డైరెక్టర్ ప్రశాంత్ నీల్ ఈ చిత్రాన్ని డైరెక్ట్ చేస్తున్నారు. తాజాగా ఈ యాక్షన్ థ్రిలర్కు సంబంధించిన టీజర్ను 'ది మోస్ట్ వైలెంట్ మెన్.. కాల్డ్ వన్ మెన్.. ది మోస్ట్ వైలెంట్' పేరుతో చిత్ర యూనిట్ తాజాగా విడుదల చేసింది. ఈ ప్రచార చిత్రం చూస్తుంటే 'కేజీయఫ్'ను మించిపోయేలా ప్రభాస్‌కు ఓ రేంజ్లో ఎలివేషన్ ఇచ్చినట్టు అర్థమవుతోంది. "సింపుల్ ఇంగ్లీష్‌.. నో క‌న్ఫ్యూజ‌న్‌... లయన్, చీతా, టైగ‌ర్‌, ఎలిఫెంట్ వెరీ డేంజ‌ర‌స్‌.. బ‌ట్ నాట్ ఇన్ జురాసిక్ పార్క్. బికాజ్ ఇన్ ద‌ట్ పార్క్.. దేర్ ఈజ్ ఏ..(సింహం.. చిరుత.. పులి.. ఏనుగు.. చాలా ప్రమాదం.. కానీ, జురాసిక్ పార్క్‌లో కాదు.. ఎందుకుంటే ఆ పార్కులో...) అంటూ సీనియర్ నటుడు టీనూ ఆనంద్‌ డైలాగ్‌తో ప్రారంభమైన టీజర్ చూస్తుంటే.. ప్రభాస్ ఫ్యాన్స్ కోరుకునే అన్ని మాస్‌ అంశాలను పుష్కలంగా పెట్టి సినిమాను తీర్చిదిద్దినట్లు తెలుస్తోంది.
అయితే ఈ డైలాగ్ పూర్తవ్వకుండానే... ఆ తర్వాత పవర్‌ఫుల్ బీజేఎంతో ప్రభాస్ ఎంట్రీ చూపించడం గూస్‌బంప్స్ తెప్పిస్తున్నాయి. ప్రచార చిత్రానికే అది హైలైట్గా నిలిచింది. అంటే ఈ చిత్రంలో ప్రభాస్ రోల్ ఎంత ప‌వ‌ర్‌ఫుల్‌గా ఉండ‌బోతుందో ఈ డైలాగ్, ఎంట్రీతో డిఫ‌రెంట్‌గా చూపించారు నీల్. అలా బ్లాక్ అండ్ వైట్ బ్యాక్‌గ్రౌండ్లో కోల్ మైనింగ్ ఏరియాలో ఉన్న ప్రభాస్ విజువల్స్ అదిరిపోయాయి. ఆయన కత్తి పట్టుకుని విలన్లుపై విరుచుకుపడుతున్నట్టుగా చూపించారు. ఇదంతా చూస్తుంటే 'కేజీయఫ్' సినిమాను మించిపోయేలా 'సలార్'ను డిజైన్ చేసినట్టు తెలుస్తోంది. ఇకపోతే శరవేగంగా చిత్రీకరణ జరుపుకుంటున్న ఈ చిత్రాన్ని కూడా రెండు భాగాలుగా తీర్చిదిద్దుతున్నట్లు తెలిపారు. ప్రచార చిత్రంలో 'సలార్ పార్ట్ 1 ceasefire' అని రాసుకొచ్చారు. సెప్టెంబరు 28న మొదటి భాగం రానున్నట్లు క్లారిటీ ఇచ్చారు. ఇక ఈ టీజర్ చూసిన అభిమానులు, సినీప్రియులు.. టీజర్ను సోషల్మీడియాలో ట్రెండ్ చేస్తూ.. 'కేజీయఫ్- 2' రికార్డుల‌ను 'సలార్' తిర‌గ‌రాయ‌డం ఖాయ‌మ‌ని అంచనాలు వేస్తున్నారు.
Salaar cast : ఇకపోతే 'బాహుబలి' తర్వాత వచ్చిన 'సాహో', 'రాధేశ్యామ్', 'ఆదిపురుష్' వంటి మూడు సినిమాలు ప్రభాస్ అభిమానులకు నిరాశ మిగిల్చాయి. కమర్షియల్గా బాక్సాఫీస్ ముందు వసూళ్ల మోత మోగించినా.. అవి పాజిటివ్ మౌత్ టాక్ను దక్కించుకోలేకపోయాయి. దీంతో ఫ్యాన్స్ అంతా 'సలార్' సినిమాపైనే భారీగా ఆశలు పెట్టుకున్నారు. ఇందులో ప్రభాస్ సరసన శ్రుతి హాసన్ హీరోయిన్గా నటిస్తోంది. ఆమె ఆద్య అనే జర్నలిస్ట్గా కనిపించనుందట. మలయాళం స్టార్ హీరో పృథ్వీరాజ్ సుకుమారన్, సీనియర్ నటుడు జగపతి బాబు ప్రతినాయకులుగా కనిపిస్తున్నారు. ఇక శ్రియారెడ్డితో పాటు మరికొంతమంది ఇతర నటులు ముఖ్య పాత్రల్లో నటిస్తున్నారు.
- " class="align-text-top noRightClick twitterSection" data="">
