Hero Yash new movie: 'కేజీయఫ్ 2' తర్వాత హీరో యశ్ చేయబోయే సినిమాపై దేశవ్యాప్తంగా అభిమానుల్లో భారీ అంచనాలు నెలకొన్నాయి. కానీ కేజీయఫ్ రెండో భాగం విడుదలై నెలలు గడుస్తున్నా ఆయన నుంచి ఇంకా ఎటువంటి సినిమా ప్రకటన రాలేదు. దీంతో ఆయన నెక్ట్స్ ఏ దర్శకుడితో చేయనున్నారు? ఎలాంటి ప్రాజెక్ట్ను ప్రకటించనున్నారు? అని ఎంతో ఆసక్తిగా ఎదురుచూస్తున్నారు.
అయితే ఈ క్రమంలోనే యశ్.. తన తదుపరి చిత్రాన్ని కన్నడ దర్శకుడు నార్తన్తో చేయబోతున్నట్లు వార్తలు వస్తున్నాయి. 'కేజీయఫ్ 2' కన్నా ముందుగానే దీనికే గ్రీన్సిగ్నల్ ఇచ్చినట్లు సమాచారం. పాన్ ఇండియా స్థాయిలో ఆయనకు ఉన్న ఇమేజ్ను దృష్టిలో పెట్టుకుని నార్తన్ ఏడాదిన్నర నుంచి ఓ పవర్ఫుల్ స్క్రిప్ట్ను సిద్ధం చేస్తున్నట్లు తెలిసింది. ప్రస్తుతం ఈ వర్క్ తుది దశకు చేరుకున్నట్లు తెలిసింది. ఇటీవలే యశ్ను కలిసి దర్శకుడు తాను సిద్ధం చేసిన కథను వినిపించినట్లు తెలిసింది. కథతో పాటు తన క్యారెక్టరైజేషన్ నచ్చడం వల్ల ఆయన ఓకే చేసినట్లు చెబుతున్నారు. త్వరలోనే ఈ చిత్రానికి సంబంధించిన అనౌన్స్మెంట్ రాబోతున్నట్లు ప్రస్తుతం ప్రచారం సాగుతోంది. ట్విటర్లో 'యశ్ 19', 'యశ్ ది బాస్' అనే హ్యాష్ట్యాగ్ ట్రెండ్ అవుతున్నాయి. ఇందులో హీరయిన్గా పూజాహెగ్డే నటించనుందట.
కాగా, ప్రశాంత్ నీల్ దర్శకత్వలో యశ్ హీరోగా రూపొందిన 'కేజీయఫ్ 2' ఇండియన్ సినిమా బాక్సాఫీస్ రికార్డులను తిరగరాసింది. దాదాపు 1200 కోట్లకుపైగా వసూళ్లను సాధించింది. దీంతో యశ్ కోసం వివిధ భాషలకు చెందిన అగ్ర దర్శకులు కథలను సిద్ధం చేస్తున్నారు. అతడి డేట్స్ కోసం ఎదురుచూస్తున్నారు.
ఇదీ చూడండి: ఆరోగ్యంపై హీరో విక్రమ్ వీడియో మెసేజ్.. ఏమన్నారంటే..
