RaviTeja Ravanasura : మాస్మహారాజా రవితేజ హీరోగా నటిస్తున్న చిత్రం రావణాసుర. ఇటీవలే విడుదలైన ధమాకా, వాల్తేర్ వీరయ్య చిత్రాలతో ఘన విజయాన్ని అందుకున్న రవితేజ హ్యాట్రిక్పై కన్నేశాడు. తాజాగా ఈ సినిమాకు సంబంధించిన టీజర్ను విడుదల చేసింది చిత్ర బృందం. ఈ చిత్రంలో రవితేజ లాయర్గా కనిపించనున్నారు. ఈ టీజర్లో డైలాగులు కూడా ఆకట్టుకునేలా ఉన్నాయి. ముఖ్యంగా చెప్పాలంటే 'సీతను తీసుకెళ్లాలంటే సముద్రం దాటితే సరిపోదు. ఈ రావణాసురిడిని దాటి వెళ్లాలి' అంటూ రవితేజ చెప్పిన డైలాగ్ అదిరిపోయింది. టీజర్ను చాలా ఇంట్రస్టింగ్గా కట్ చేసింది చిత్ర యూనిట్. ఇందులో రవితేజ కొద్దిగా వైలెంట్గా చూపించారు.
సుధీర్ వర్మ తెరకెక్కిస్తున్న ఈ చిత్రంలో మేఘా ఆకాశ్, అను ఇమ్మాన్యుయేల్, ఫరియా అబ్దుల్లా, పూజిత పొన్నాడ, దక్షా నగార్కర్ హీరోయిన్లుగా నటిస్తున్నారు. మరో హీరో సుశాంత్ ఈ చిత్రంలో కీలక పాత్రలో నటిస్తున్నాడు. రావు రమేశ్, మురళీ శర్మ ఈ సినిమాలో ముఖ్యపాత్రలు పోషిస్తున్నారు. రవితేజ, అభిషేక్‌ నామా నిర్మిస్తున్న ఈ చిత్రానికి హర్షవర్దన్‌ రామేశ్వర్‌, భీమ్స్‌ సంగీతం అందిస్తున్నారు. ఏప్రిల్‌ 7న ఈ సినిమా ప్రపంచవ్యాప్తంగా విడుదల కానుంది.
- " class="align-text-top noRightClick twitterSection" data="">
ఇక రవితేజ సినిమాల విషయానికొస్తే.. ఆయన కథానాయకుడిగా నటిస్తున్న తొలి పాన్‌ ఇండియా చిత్రం టైగర్‌ నాగేశ్వరరావు. ఈ చిత్రానికి వంశీ దర్శకత్వం వహిస్తుండగా.. అభిషేక్‌ అగర్వాల్‌ నిర్మిస్తున్నారు. గాయత్రి భరద్వాజ్‌, నూపూర్‌ సనన్‌ కథానాయికలుగా నటిస్తున్నారు. రేణూ దేశాయ్‌ కీలక పాత్ర పోషించారు. స్టూవర్టుపురంలోని గజదొంగ జీవిత కథ ఆధారంగా ఈ చిత్రాన్ని రూపొందిస్తున్నారు. 1970ల నేపథ్యంలో సాగుతుంది. ఈ పాత్ర కోసం రవితేజ తన లుక్‌ను పూర్తిగా మార్చుకున్నారు.
ఇవీ చదవండి : NTR 30 క్రేజీ అప్డేట్.. హీరోయిన్గా 'బర్త్డే' గర్ల్.. ఫస్ట్ లుక్ చూశారా?
నాలుగు పదాలతో ట్వీట్.. నెట్టింట ఫుల్ ట్రెండింగ్.. 'స్నేహ' క్రేజ్ మాములుగా లేదుగా!
