బాలీవుడ్ స్టార్ కపుల్ రణ్బీర్ కపూర్, ఆలియాల ముద్దుల తనయ రాహాను ఎప్పుడెప్పుడు చూస్తామన్న అభిమానులకు ఇక కొంతకాలం పాటు నిరీక్షణ తప్పదంటోంది ఆ జంట. ఈ విషయాన్ని శనివారం ముంబయిలో జరిగిన ఓ సమావేశంలో వెల్లడించారు. రాహాకు రెండేళ్లు వచ్చేంతవరకు ఎటువంటి ఫొటోలను పోస్ట్ చేయబోమని ఆలియా, రణ్బీర్ తెలిపారు. అంతే కాకుండా ఫొటోగ్రాఫర్లు సైతం బయట వారు కనిపించినప్పుడు ఫొటోలు తీసి సామాజిక మాధ్యమాల్లో పోస్ట్ చేయొద్దని కోరారు. ఈ మీడియా సమావేశానికి రణ్బీర్, ఆలియాల కుటుంబసభ్యులు పాల్గొన్నారు.
- " class="align-text-top noRightClick twitterSection" data="
">
కాగా రణ్బీర్, ఆలియాల గారాలపట్టి రాహా 2022 నవంబర్ 6న జన్మించింది. అప్పటి నుంచి వీరిద్దరు తన పేరు గురించి తప్ప మరే సమాచారాన్ని బయటపెట్టలేదు. మరోవైపు ఈ ఏడాది రణ్బీర్ కాస్త బిజీ అయిపోయారనే చెప్పాలి. లవ్ రంజన్తో పాటు సందీప్ రెడ్డి వంగాతో రణ్బీర్ సినిమాలు చేస్తున్నారు. ఆలియా సైతం కరణ్జోహార్ సినిమా 'రాకీ ఔర్ రాణి కి ప్రేమ్ కహానీ'తో బిజీ అయిపోయింది.
