రామ్ పోతినేని హీరోగా, కృతి శెట్టి హీరోయిన్గా నటించిన సినిమా 'ది వారియర్'. తమిళ దర్శకుడు లింగుస్వామి దర్శకత్వంలో తెరకెక్కిన ఈ సినిమాలో కృతి శెట్టి హీరోయిన్ గా నటించింది. ఈ చిత్రాన్ని 2022 జూలై 14న తెలుగు, తమిళ భాషల్లో ప్రపంచ వ్యాప్తంగా థియేటర్లలో గ్రాండ్ గా విడుదల చేయనున్నారు నిర్మాత. తాజాగా ఈ సినిమాలోని విజిల్ సాంగ్ను రిలీజ్ చేశారు. కోలీవుడ్ స్టార్ హీరో సూర్య సోషల్ మీడియా వేదికగా విజిల్ పాటను ఆవిష్కరించి చిత్ర బృందానికి శుభాకాంక్షలు తెలియజేశారు. 'నాలికిట్టా మడతపెట్టి.. వేళ్లు రెండు జంట కట్టి.. ఊదు మరి దమ్మే బట్టి.. విజిల్.. విజిల్.. విజిల్' అంటూ సాగిన ఈ సాంగ్ మాస్ ని విపరీతంగా అలరిస్తోంది. ఈ సినిమాలో పవర్ ఫుల్ పోలీస్ ఆఫీసర్ పాత్రలో రామ్ కనిపించనున్నారు. అక్షర గౌడ ఒక ముఖ్యమైన పాత్రలో నటించగా.. ఆది పినిశెట్టి పవర్ ఫుల్ విలన్ రోల్ ప్లే చేసాడు. నదియా - నాజర్ - భారతీరాజా - చిరాగ్ - రెడిన్ ఇతర కీలక పాత్రలు పోషించారు.
- " class="align-text-top noRightClick twitterSection" data="">
గోపీచంద్ - రాశి ఖన్నా జంటగా మారుతి దర్శకత్వంలో రూపొందిన సినిమా 'పక్కా కమర్షియల్'. ఈ సినిమాను గీతా ఆర్ట్స్ 2- యూవీ సంస్థలు సంయుక్తంగా నిర్మించాయి. వచ్చేనెల 1వ తేదీన ఈ సినిమా ప్రేక్షకుల ముందుకు రానుంది. ఈ నేపథ్యంలో ఈ నెల 26న ప్రీ రిలీజ్ ఈవెంట్ నిర్వహించనున్నారు. అయితే ఈ ప్రీ రిలీజ్ ఈవెంట్కు ముఖ్య అతిథిగా మెగాస్టార్ చిరంజీవి రానున్నట్లు సమాచారం. దీంతో ఈ సినిమాపై మరింత హైప్ క్రియోట్ అయ్యింది. జేక్స్ బిజోయ్ ఈ సినిమాకి సంగీతాన్ని అందించారు.
ఇదీ చదవండి: సల్మాన్ సరసన 10మంది టాప్ హీరోయిన్లు.. సమంత, రష్మిక ఇంకా..!
