Ram Charan Shankar movie: శంకర్ దర్శకత్వంలో రామ్చరణ్ నటిస్తున్న సినిమాకు (ఆర్సీ15) సంబంధించి ఓ అప్డేట్ సినీవర్గాల్లో చక్కర్లు కొడుతోంది. ఇందులో చరణ్ ద్విపాత్రాభినయం చేయనున్నట్లు సమాచారం. ఒక పాత్రలో అధికారిగా, మరో పాత్రలో విద్యార్థిగా నటించనున్నారట చెర్రీ. కియారా అడ్వాణీ నటిస్తున్న ఈ చిత్రాన్ని దిల్రాజు నిర్మిస్తున్నారు. తమన్ సంగీతం అందిస్తున్నారు.
'సీతారామం'గా దుల్కర్: మలయాళ నటుడు దుల్కర్ సల్మాన్, రష్మిక మందాన, మృణాల్ ఠాకూర్ ప్రధాన పాత్రల్లో హను రాఘవపూడి దర్శకత్వం వహించిన చిత్రానికి పేరు ఖరారైంది. శ్రీరామ నవమి సందర్భంగా తమ చిత్రానికి 'సీతారామం' పేరును ఖరారు చేసినట్లు స్వప్న సినిమాస్ వెల్లడించింది. యుద్ధంతో రాసిన ప్రేమ కథ శీర్షికతో ఆసక్తికరంగా 'సీతారామం టీజర్'ను చిత్ర బృందం విడుదల చేసింది.
- " class="align-text-top noRightClick twitterSection" data="">
ముస్లిం యువతి 'అఫ్రీన్'గా రష్మిక నటించగా.. సైనికుడి పాత్రలో దుల్కర్ నటించాడు. వైజయంతి మూవీస్ సమర్పణలో ఈ చిత్రం తెలుగుతోపాటు తమిళ, మలయాళ భాషల్లో విడుదలకానుంది.
జాన్వీ కొత్తం చిత్రం షురూ: 'దంగల్' తెరకెక్కించిన నితేశ్ తివారీ దర్శకత్వంలో వరుణ్ ధావన్, జాన్వీ కపూర్ నటిస్తున్న కొత్త చిత్రం 'బవాల్'. ఈ సినిమా చిత్రీకరణ ఆదివారం లఖ్నవూలో ప్రారంభమైంది. సాజిద్ నదియావాలా నిర్మిస్తున్నారు. ఈ చిత్రం వచ్చే ఏడాది ఏప్రిల్ 7న రిలీజ్ కానుంది.
ఇదీ చూడండి: 'శ్రీరామ నవమి' స్పెషల్.. తారల శుభాకాంక్షలు.. కొత్త పోస్టర్ల సందడి
