NTR Ramcharan RRR Sequel: 'బాహుబలి' తరహాలో 'ఆర్ఆర్ఆర్'కు కూడా సీక్వెల్ ఉండాల్సిన అవసరముందని అన్నారు హీరో ఎన్టీఆర్. దర్శకధీరుడు రాజమౌళి.. కచ్చితంగా రెండో భాగాన్ని తెరకెక్కించాలని చెప్పారు. మార్చి 25న ప్రపంచవ్యాప్తంగా విడుదలైన ఈ చిత్రం ఘన విజయం సాధించి బాక్సాఫీస్ ముందు రికార్డులు సృష్టిస్తోంది. విడుదలై 13 రోజులు అవుతున్నా కలెక్షన్లలో ఏ మాత్రం జోరు తగ్గలేదు. ప్రపంచవ్యాప్తంగా రూ.వెయ్యి కోట్లు సాధించింది. ఈ నేపథ్యంలో ఉత్తరాది థియేట్రికల్ రైట్స్ సహా అన్ని భాషల్లో డిజిటల్, శాటిలైట్ రైట్స్ కొనుగోలు చేసిన పెన్ స్టూడియోస్ అధినేత జయంతిలాల్.. ముంబయిలో సక్సెస్ ప్రెస్ ఈవెంట్ను నిర్వహించారు. ఇందులోనే 'ఆర్ఆర్ఆర్' సీక్వెల్పై ఓ జర్నలిస్ట్ అడిగిన ప్రశ్నకు.. తారక్ పై వ్యాఖ్యలు చేశారు.
"ఆర్ఆర్ఆర్కు సీక్వెల్ తీయాలని అభిమానులు చేస్తున్న డిమాండ్ సమంజసమైనదే. జక్కన్న తీయకపోతే ఆయన్ను వారు తప్పకుండా చంపేస్తారు(నవ్వుతూ). ఆయన ఈ చిత్రానికి కంక్లూజన్(రెండో భాగం) తెరకెక్కించాల్సిన అవసరం ఉంది. ఇది జరుగుతుందని ఆశిస్తున్నా" అని తారక్ అన్నారు.
అనేక వాయిదాల పర్వాన్ని దాటుకుని ఎట్టకేలకు 'ఆర్ఆర్ఆర్' ప్రేక్షకుల ముందుకు రావడంపై హర్షం వ్యక్తం చేశారు రామ్చరణ్. 'ఆర్ఆర్ఆర్' సీక్వెల్పై మాట్లాడుతూ.. "రాజమౌళి సార్ రెండో భాగం తెరకెక్కిస్తే మేమందరం మళ్లీ సంతోషిస్తాం" అని పేర్కొన్నారు.
'ఆర్ఆర్ఆర్' సినిమా వల్ల తన మెదడు వేడెక్కిపోయిందని దాన్ని చల్లబరుచుకునేందుకు ప్రయత్నిస్తున్నట్లు తెలిపారు దర్శకుడు రాజమౌళి. "ఈ సినిమా ఆలోచనల నుంచి ఎన్టీఆర్, రామ్చరణ్ త్వరగానే బయటకు వచ్చారు. కానీ నాకు ఇంకాస్త సమయం పడుతుంది. దాని నుంచి బయటపడేందుకు ప్రయత్నిస్తున్నా. ఇక 'ఆర్ఆర్ఆర్ 2' విషయానికొస్తే.. దాన్ని తెరకెక్కించడం నాకు కూడా ఆనందాన్నిస్తుంది. అయితే అది బాక్సాఫీస్ వద్ద ఏమి చేస్తుందో అని కాదు.. నా సోదరులతో(తారక్, చెర్రీ) కలిసి గడపడానికి మరింత ఎక్కువ సమయం దొరుకుతుందని. మరి ఏం జరుగుతుందో చూడాలి." అని జక్కన్న అన్నారు.
యాక్షన్‌, ఎమోషనల్‌ డ్రామాగా రూపొందిన 'ఆర్ఆర్ఆర్'లో అల్లూరి సీతారామరాజుగా రామ్చరణ్, కొమురం భీమ్గా తారక్ నటించారు. సుమారు రూ.450 కోట్ల భారీ బడ్జెట్‌తో రూపుదిద్దుకున్న ఈ చిత్రాన్ని డీవీవీ ఎంటర్‌టైన్‌మెంట్స్‌ పతాకంపై దానయ్య నిర్మించారు. కీరవాణి స్వరాలు అందించారు. ఆలియాభట్‌ , ఒలీవియా మోరిస్‌ కథానాయికలు. శ్రియ, సముద్రఖని, అజయ్‌ దేవ్‌గణ్‌ కీలకపాత్రల్లో కనిపించారు.
- " class="align-text-top noRightClick twitterSection" data="">
ఇదీ చూడండి: నైజాంలో 'ఆర్ఆర్ఆర్' ప్రభంజనం.. తొలి సినిమాగా చరిత్ర
