Pushpa 2 Shoot Delay: 'పుష్ప'.. సుకుమార్, అల్లు అర్జున్ కాంబోలో వ‌చ్చిన ఈ చిత్రం బాక్సాపీస్ను ఓ రేంజ్లో షేక్ చేసింది. తెలుగు, మ‌ల‌యాళం, హిందీతోపాటు మిగిలిన భాష‌ల్లో మంచి టాక్‌తో పాటు క‌లెక్ష‌న్ల‌ను రాబ‌ట్టింది. ముఖ్యంగా బన్నీ మాస్గెటప్, నటన, దేవీ శ్రీ ప్రసాద్ మ్యూజిక్ సినిమాకే హైలైట్గా నిలిచాయి. స్టార్ హీరోయిన్ సమంత చిందులేసిన 'ఊ అంటావా మావ' స్పెషల్ సాంగ్ దేశవ్యాప్తంగా మార్మోగిపోయింది. క‌న్న‌డ భామ ర‌ష్మిక ఈ చిత్రంలో శ్రీవ‌ల్లిగా డీ గ్లామ‌ర్ పాత్ర‌లో న‌టించి.. ఓ రేంజ్లో పాపులారిటీ సంపాదించుకుంది. ఇక, 'పుష్ప 2' షూటింగ్ కూడా త్వరలోనే షురూ కానున్న‌ట్టు వార్త‌లు ఇప్ప‌టికే వ‌చ్చాయి.
తాజాగా 'పుష్ప 2' షూటింగ్కు సంబంధించి మరో వార్త నెట్టింట హ‌ల్చ‌ల్ చేస్తోంది. లెక్క‌ల మాస్టారు సుకుమార్.. యూఎస్ నుంచి నెల రోజుల త‌ర్వాత హైద‌రాబాద్‌కు తిరిగా రానున్నారట. పుష్ప 2ను మొద‌లుపెట్టేందుకు మరో 3-4 నెల‌లు టైమ్ తీసుకోవాల‌ని అనుకుంటున్నారట. ఇది అధికారిక ప్రకటన కాకున్నా.. ఇంత‌కీ ఇలా సడెన్గా ఎందుకు ఈ నిర్ణయం తీసుకున్నారని సినీప్రియులు అప్పుడే తెగ చ‌ర్చించ‌ుకుంటున్నారు. 'కేజీఎఫ్ చాఫ్ట‌ర్ 2' సినిమా చూసిన త‌ర్వాతే సుకుమార్ త‌న మైండ్ సెట్ను మార్చుకున్నారని టాక్ వినిపిస్తోంది.
'పుష్ప'కు సీక్వెల్‌గా రాబోతున్న 'పుష్ప ది రూల్‌'.. భారీ స్థాయిలో, రిచ్‌గా చూపించాల‌ని ఫిక్స్ అయ్యారట ఈ స్టార్ డైరెక్ట‌ర్. అందువ‌ల్ల న‌టీన‌టుల డేట్స్ స‌ర్దుబాటు విష‌యాన్ని ప‌క్క‌న పెట్టేసిన‌ట్టు వార్త‌లు వస్తున్నాయి. ఇక లేటెస్ట్ అప్డేట్‌ నిజమైతే మాత్రం ర‌ష్మిక‌కు గుడ్ న్యూస్ అని చెప్పాలి. ఎందుకంటే ఈ భామ ఇప్ప‌టికే హీరో విజ‌య్ 66వ సినిమాలో న‌టిస్తోంది. మరోవైపు, బాలీవుడ్ స్టార్ ర‌ణ్బీర్ క‌పూర్ 'యానిమ‌ల్' చిత్రం కూడా చేస్తోంది. అయితే ఇప్పుడు పుష్ప సినిమా ఆల‌స్యమ‌వుతుండ‌టం వల్ల త‌న ఫోకస్ మిగిలిన రెండు ప్రాజెక్టుల‌పై పెట్టేందుకు సమయం దొరికిన‌ట్ట‌వుతుంది. మరోవైపు, హీరో అల్లుఅర్జున్ కూడా మరో సినిమా షూటింగ్లో పాల్గొనబోతున్నారని టాక్ వినిపిస్తోంది.
ఇవీ చదవండి: 12 ఏళ్లు చిన్నవాడితో డేటింగ్‌.. తప్పేముంది: మలైకా అరోరా
