రెబల్స్కు సర్ఫ్రైజ్.. ప్రాజెక్ట్-కె టైటిల్ రివీల్.. దేశంలో తొలి సినిమాగా..

Project K Update : పాన్ వరల్డ్ లెవెల్లో ప్రేక్షకులను అలరించేందుకు ప్రాజెక్ట్ కె మూవీ సిద్ధం కానుంది. ప్రభాస్ లీడ్ రోల్లో తెరెకెక్కుతున్న ఈ సినిమాపై అభిమానుల్లో భారీ అంచనాలే ఏర్పడ్డాయి. అయితే తాజాగా ఈ సినిమాకు ఓ అదుదైన గౌరవం దక్కింది. అదేంటంటే ?

Project K Title Reveal

Published : Jul 7, 2023, 7:22 AM IST

Project K Latest Update : రెబల్ స్టార్ ప్రభాస్ లీడ్ రోల్లో తెరకెక్కుతున్న భారీ బడ్జెట్ మూవీ ప్రాజెక్ట్-కె. దీపికా పదుకొనే, అమితాబ్ బచ్చన్, కమల్ హాసన్, దిశాపటానీ లాంటి స్టార్స్ నటించిన ఈ సినిమాపై అభిమానుల్లో భారీ అంచనాలే ఏర్పడ్డాయి. ఈ క్రమంలో షూటింగ్ను శరవేగం చేసిన మేకర్స్.. సినిమాకు సంబంధించిన అప్డేట్స్ను ఒక్కోక్కటిగా ఇస్తూ ఫ్యాన్స్ను సర్ప్రైజ్ చేస్తున్నారు. అయితే తాజాగా ఈ సినిమాకు అంతర్జాతీయ వేదికగా ఓ అరుదైన గౌరవం దక్కింది.

San Diego Comic Con 2023 : అమెరికాలో జరగనున్న ప్రతిష్టాత్మక శాన్ డియాగో కామిక్-కాన్ (SDCC) వేడుకలో ప్రాజెక్ట్-కె కు సంబంధించిన అప్డేట్స్ను రివీల్ చేయనున్నట్లు మేకర్స్ అధికారికరంగా ప్రకటించారు. ఇందులో భాగంగా టైటిల్, రిలీజ్ డేట్ను ప్రకటించనున్నట్లు తెలిపారు. జూలై 19 నుంచి ఈ కామిక్- కాన్ ఈవెంట్ ప్రారంభం కానుండగా.. జూలై 20న జరగనున్న వేడుకలకు ప్రాజెక్ట్ కె టీమ్ హాజరు కానుంది. అక్కడ 'దిజ్ ఈజ్ ప్రాజెక్ట్ కె: ఫస్ట్ గ్లింప్స్ ఆఫ్ ఇండియాస్ మైథో-సైన్స్ ఫిక్షన్ ఎపిక్' అనే పేరుతో ఓ ప్యానెల్‌ను హోస్ట్ చేసి అందులో ప్రాజెక్ట్-కె ఫస్ట్ గ్లింప్స్, టైటిల్, సినిమా విడుదల తేదీని రివీల్ చేయనున్నారు.

ఈ వేడుకకు ప్రభాస్, దీపికా పదుకుణె, అమితాబ్ బచ్చన్, నాగ్ అశ్విన్, అశ్వినీదత్ పాల్గొననున్నారు. మరో విశేషం ఏంటంటే.. ఇప్పటివరకు ఏ తెలుగు సినిమా కూడా కామిక్ కాన్ వేడుకల్లో ప్రదర్శించలేదు. దీంతో ఇలాంటి అరుదైన గౌరవాన్ని అందుకున్న తొలి సినిమాగా ప్రాజెక్ట్ కె చరిత్రకెకింది. ఇక ఈ స్టేజీపై జరగనున్న ఓ పర్ఫార్మెన్స్లో మూవీ టీమ్ పాల్గొననున్నట్లు సమాచారం.

Project K Cast : ఇక సినిమా విషయానికి వస్తే.. వైజయంతీ మూవీస్ బ్యానర్ పై నిర్మాత అశ్వినీదత్ ఈ సినిమాను నిర్మిస్తున్నారు. దర్శకుడు నాగ్ అశ్విన్ రూపొందిస్తున్న ఈ సైన్స్ ఫిక్షన్ మూవీలో భారీ తారాగణం నటిస్తున్నారు. ఇప్పటికే వారికి సంబంధించిన పోస్టర్స్ను విడుదల చేసిన మేకర్స్.. ఈ సినిమా గురించి అభిమానుల్లో భారీ హైప్ను క్రియేట్ చేశారు. దీంతో ఈ సినిమా ఎప్పుడెప్పుడు రిలీజ్ అవుతుందా అంటు అభిమానులు వేయి కళ్లతో ఎదురు చూస్తున్నారు.