Prabhas Lokesh Kanagaraj Movie : పాన్ఇండియా స్టార్ ప్రభాస్ వరుసగా భారీ బడ్జెట్ సినిమాలతో దూసుకుపోతున్నారు. ఈ క్రమంలో 'విక్రమ్' ఫేమ్ డైరెక్టర్ లోకేశ్ కనగరాజ్ - ప్రభాస్ కాంబినేషన్లోనూ ఓ సినిమా రాబోతోందని సినీఇండస్ట్రీలో హాట్ టాపిక్గా మారింది. కాగా ఈ సినిమాను మైత్రీ మూవీమేకర్స్ భారీ బడ్జెట్ చిత్రంగా రూపొందించనుందని సమాచారం.
ప్రస్తుతం విజయ్ దళపతితో.. 'లియో' ప్రాజెక్ట్లో బిజీగా ఉన్నారు లోకేశ్ కనగరాజ్. కాగా తెలుగు, తమిళంలో కలిపి ఇదివరకు లోకేశ్.. 'అవియాల్', 'నగరం', 'వెల్ల రాజా', 'ఖైదీ', 'మాస్టర్', 'విక్రమ్', 'మైఖేల్' సినిమాలు తెరకెక్కించారు. ఇందులో తెలుగు హీరో సందీప్ కిషన్తో 'నగరం', 'మైఖేల్' రెండు సినిమాలు చేశారు లోకేశ్. గతేడాది తమిళ స్టార్ కమల్ హసన్ హీరోగా 'విక్రమ్' సినిమాతో సూపర్ సక్సెస్ అందుకున్నారు లోకేశ్. ఇక ప్రభాస్తో సినిమా ఓకే అవ్వాలంటూ.. డార్లింగ్ ఫ్యాన్స్ సోషల్ మీడియాలో కామెంట్లు పెడుతున్నారు.
Mythri Movie Makers : కాగా మైత్రి మూవీమేకర్స్ ప్రభాస్తో సినిమా కోసం.. ముందుగా బాలీవుడ్ దర్శకుడు సిద్దార్థ్ ఆనంను సంప్రదించారట. కానీ ఇప్పటివరకూ ఆ విషయంపై ఎలాంటి క్లారిటీ రాలేదు. అయితే తాజాగా ఈ ప్రాజెక్ట్లోకి లోకేశ్ కనగరాజ్ ఎంట్రీ ఇవ్వనున్నాడని సినీవర్గాల టాక్. ఒకవేళ ఇదే జరిగితే.. త్వరలోనే ఈ సినిమా పట్టాలెక్కనుంది.
అయితే ప్రభాస్ ప్రస్తుతం 'సలార్', 'కల్కి' షూటింగుల్లో బిజీగా ఉన్నారు. ప్రశాంత్ నీల్ డెరెక్షన్లో తెరకెక్కుతున్న సలార్.. సెప్టెంబర్లో ప్రపంచవ్యాప్తంగా విడుదల కానుంది. మరోవైపు 'కల్కి' శరవేగంగా చిత్రీకరణ జరుపుకుంటోంది. అయితే అన్నీ అనుకున్నట్లు జరిగితే ఈ సినిమాను వచ్చే ఏడాది సంక్రాంతి బరిలో ఉంచేందుకు ప్లాన్ చేస్తున్నట్లు మేకర్స్ తెలిపారు.
ఈ సినిమాలతో పాటు ప్రభాస్ - డైరెక్టర్ మారుతి కాంబినేషన్లో ఓ సినిమా రానుంది. ఈ సినిమాకు 'రాజా డిలక్స్'అనే వర్కింగ్ టైటిల్ను ఎంపిక చేశారని ఓ వార్త సోషల్ మీడియాలో చక్కర్లు కొడుతోంది. మరోవైపు అర్జున్ రెడ్డి ఫేమ్ సందీప్ వంగ కూడా ప్రభాస్తో సినిమా చేస్తున్నారు. ఈ చిత్రానికి స్పిరిట్ అనే టైటిల్ను ఖరారు చేసినట్లు తెలుస్తోంది.
