VijayDevarkonda Janaganamana movie heroine: యువ కథానాయకుడు విజయ్ దేవరకొండ-అగ్ర దర్శకుడు పూరి జగన్నాథ్ కలయికలో రూపొందుతున్న రెండో చిత్రం 'జనగణమన'. ఇటీవలే పూర్తయిన 'లైగర్' తర్వాత ఈ కాంబినేషన్లో రూపొందుతున్న చిత్రమిది. వార్ బ్యాక్‌డ్రాప్‌లో ఇంటెన్స్ యాక్ష‌న్ డ్రామాగా పూరి జగన్నాథ్ ఈ మూవీని తెర‌కెక్కించ‌బోతున్నారు. ఛార్మి, వంశీ పైడిపల్లి, పూరి జగన్నాథ్ సంయుక్తంగా నిర్మిస్తున్నారు. 'జేజీఎం' పేరుతో హిందీ, తెలుగు, తమిళం, కన్నడ, మలయాళ భాషల్లో పాన్‌ ఇండియా స్థాయిలో రూపొందనుంది. త్వరలోనే రెగ్యులర్ షూటింగ్ ప్రారంభించుకోనుంది.
తాజాగా ఈ సినిమా నుంచి ఓ ఆసక్తికర అప్డేట్ బయటకు వచ్చింది. ఈ చిత్రంలో విజయ్ దేవ‌ర‌కొండతో జోడీకట్టే నాయిక ఎవరన్నది అభిమానుల్లో ఆసక్తిని కలిగిస్తోంది. ప‌లువురు అగ్ర‌క‌థానాయిక‌ల పేర్ల‌ను ప‌రిశీలించిన పూరి జగన్నాథ్ చివ‌ర‌కు పూజాహెగ్డేను ఫైన‌ల్ చేసినట్లు తెలిసింది. బుట్ట‌బొమ్మ కూడా ఈ సినిమాకు గ్రీన్‌సిగ్న‌ల్ ఇచ్చిన‌ట్లు స‌మాచారం. ఇదే కనుక నిజమైతే ఈ సినిమా ద్వారా విజ‌య్‌దేవ‌ర‌కొండ, పూజాహెగ్డే తొలిసారి జంటగా నటించినట్లవుతుంది.
ఇక ఈ నెల 12 నుంచి స‌ల్మాన్‌ఖాన్ 'క‌భీ ఈద్ క‌భీ దివాళీ' సినిమా షూటింగ్‌లో పూజాహెగ్డే పాల్గొన‌బోతున్న‌ది. ముంబయిలో వేసిన భారీ సెట్‌లో కీల‌క స‌న్నివేశాల‌ను చిత్రీక‌రించ‌నున్న‌ట్లు స‌మాచారం. ఈ లాంగ్ షెడ్యూల్ తర్వాత ఆమె విజయ్ దేవరకొండ సినిమా షూటింగ్‌లో పాల్గొన‌నున్న‌ట్లు చెబుతున్నారు.
ఇదీ చూడండి: Review: శ్రీవిష్ణు 'భళా తందనాన' ఎలా ఉందంటే?
