Ponniyin Selvan 2 Box Office Collection : ప్రముఖ దర్శకుడు మణిరత్న ప్రతిష్టాత్మకంగా తెరకెక్కించిన సినిమా 'పొన్నియిన్ సెల్వన్'. ఈ సినిమా తొలి భాగం గ‌తేడాది విజ‌య‌వంతంగా ప్రేక్ష‌కుల్ని మెప్పించింది. ఇప్పుడు రెండో భాగం 'పొన్నియిన్ సెల్వన్-2' కూడా అదే స్థాయిలో ప్రేక్షకులను అలరిస్తోంది. కోలీవుడ్తో పాటు పాన్ ఇండియా స్థాయిలో సంచలనాలు సృష్టిస్తోంది. 9వ శతాబ్దం నాటి చోళ సామ్రాజ్యం నేప‌థ్యంలో సాగే ఈ కథను క‌ల్కి కృష్ణ‌మూర్తి ర‌చించిన న‌వ‌ల ఆధారంగా రూపొందించారు. ప‌లువురు ద‌ర్శ‌కులు ఈ సినిమాను తెరకెక్కించేందుకు ప్రయత్నించినప్పటికీ ఇది పట్టాలెక్కలేపోయింది. అయితే ప‌లు ప్ర‌య‌త్నాల త‌ర్వాత ఈ సినిమాను విజ‌య‌వంతంగా తెర‌కెక్కించారు దర్శకుడు మణిరత్నం.
ఏప్రిల్ 28న ప్రపంచవ్యాప్తంగా రిలీజైన ఈ సినిమా ఇప్పుడు బాక్సాఫీస్ వద్ద మంచి టాక్ సంపాదించడమే కాకుండా కలెక్షన్ల పరంగానూ దూసుకెళ్తోంది.ఓపెనింగ్లోనే అదిరిపోయే కలెక్షన్లను సొంతం చేసుకున్న 'పీఎస్-2'.. మూడు రోజుల్లో వచ్చేసరికి ప్రపంచ వ్యాప్తంగా రూ. 150 కోట్ల పైగా గ్రాస్ వసూళ్లురాబట్టింది. ఇందులో తమిళ ప్రేక్షకుల షేర్ ఎక్కువగా నమోదైందని ట్రేడ్ వర్గాల టాక్. ఉత్తర అమెరికాలో ఈ సినిమా మూడు రోజుల్లో 3 మిలియన్ డాలర్లు(రూ.24 కోట్లు) వసూలు చేసిందని చిత్ర నిర్మాణ సంస్థ లైకా ప్రొడక్షన్స్ తెలిపింది. ప్రపంచవ్యాప్తంగా సుమారు 3200 కంటే ఎక్కువ స్క్రీన్‌లలో విడుదలైన ఈ సినిమా ప్రీ రిలీజ్ బిజినెస్లోనే రూ.170కోట్ల మేర వసూళ్లు చేసినట్లు సమాచారం.
పీఎస్-2 మూడో రోజు కలెక్షన్స్ :
- మొదటి రోజు - రూ. 24 కోట్లు
- రెండో రోజు - రూ. 26.2 కోట్లు
- మూడో రోజు - రూ. 29.14 కోట్లు
- నాలుగో రోజు - రూ. 21 కోట్లు (సోమవారం అంచనా)
ఇక పీఎస్ 2 సినిమా విషయానికి వస్తే.. తమిళ స్టార్ డైరెక్టర్ మణిరత్నం తెరకెక్కించిన ఈ సినిమాలో విక్రమ్, కార్తీ, ఐశ్వర్య రాయ్ బచ్చన్, జయం రవి, త్రిష కృష్ణన్, శోభితా ధూళిపాళ్ల, ఐశ్వర్య లక్ష్మి, ప్రకాష్ రాజ్, విక్రమ్ లాంటి స్టార్స్ వారి వారి పాత్రల్లో అద్భుతంగా చేశారని నెటిజన్లు సామాజిక మాధ్యమాల్లో కామెంట్లు పెడుతున్నారు. అన్నీ భాషల్లోనూ ఈ సినిమాకు పాజిటివ్ రెస్పాన్స్ వస్తోంది. ఈ సినిమా మొదటి భాగం ప్రపంచవ్యాప్తంగా రూ. 500 కోట్లకు పైగా వసూలు చేసింది. ఈ క్రమంలో రెండవ భాగం కూడా బాక్సాఫీస్ వద్ద అంతకంటే ఎక్కువగా వసూళ్లు చేస్తుందని మేకర్స్ భావిస్తున్నారు.
