Balakrishna Shrutihassan Selfie: 'అఖండ' వంటి బ్లాక్ బస్టర్ సక్సెస్ తర్వాత హీరో బాలకృష్ణ.. మాస్ డైరెక్టర్ గోపీచంద్ మలినేనితో 'ఎన్బీకే 107' మూవీ చేస్తున్నారు. ప్రస్తుతం ఈ సినిమా షూటింగ్ శరవేగంగా జరుగుతోంది. బాలకృష్ణ పుట్టినరోజు సందర్భంగా విడుదల చేసిన టీజర్‌కు మంచి రెస్పాన్స్ వచ్చింది. ఇక, ఈ సినిమా విడుదల ఎప్పుడవుతుందా అని అభిమానులు ఎంతగానో ఆసక్తిగా ఎదురుచూస్తున్నారు. ప్రస్తుతం ఈ చిత్ర షూటింగ్ విదేశాల్లో జరుగుతోంది. ఈ నేపథ్యంలో డైరెక్టర్ గోపీచంద్ మలినేని పోస్ట్ చేసిన ఓ సెల్ఫీ సోషల్ మీడియాలో వైరల్గా మారింది. ఈ సెల్ఫీలో బాలకృష్ణ అదిరిపోయే లుక్లో కనిపించారు. హీరోయిన్ శ్రుతి హాసన్ కూడా బ్లాక్ అవుట్ఫిట్లో తన అందంతో ఆకట్టుకుంటున్నారు.
బాలయ్య కథానాయకుడిగా మైత్రీ మూవీ మేకర్స్‌ పతాకంపై ఈ సినిమా రూపొందుతోంది. దునియా విజయ్‌ ప్రతినాయకుడిగా నటిస్తున్నారు. వరలక్ష్మి శరత్‌కుమార్‌ కీలక పాత్రలో కనిపించనున్నారు. బాలకృష్ణ ఈ చిత్రంలో రెండు కోణాల్లో సాగే పాత్రలో సందడి చేయనున్నారు. తమన్‌ స్వరాలు సమకూరుస్తుండగా, సాయిమాధవ్‌ బుర్రా సంభాషణలు రచిస్తున్నారు. అయితే ఈ సినిమాకు సంబంధించిన టీజర్ను దసరా కానుకగా విడుదల చేయనున్నట్లు సమాచారం.
ఇవీ చదవండి: ఆస్కార్ చెంప దెబ్బ ఎఫెక్ట్, మళ్లీ ట్రెండింగ్లోకి స్టార్ నటుడు
