NBK 107 Latest Update: నటసింహం బాలకృష్ణ వరుస ప్రాజెక్టులతో ప్రేక్షకులను ఊర్రూతలూగించడానికి రెడీ అయ్యారు. 'అఖండ'తో ఘన విజయం సొంతం చేసుకున్న బాలయ్య.. మరో క్రేజీ ప్రాజెక్టు 'ఎన్బీకే 107'తో ప్రేక్షకుల ముందుకు రానున్నారు. ప్రస్తుతం ఈ సినిమా షూటింగ్ శరవేగంగా జరుగుతోంది. తాజాగా ఈ సినిమా నుంచి మరో అప్డేట్ వచ్చింది. అక్టోబర్ 21న సినిమా పేరును ప్రకటిస్తామని.. నిర్మాణ సంస్థ మైత్రీ మూవీ మేకర్స్ వెల్లడించింది.
'ఎన్బీకే 107' సినిమాను 'అఖండ' విడుదలైన డిసెంబర్ 2న విడుదల చేయాలనే ప్లాన్‌లో ఉన్నారు మేకర్స్. ఒకవేళ అది కాకపోతే.. సంక్రాంతి బరిలోకి దించాలనే ఆలోచనలో ఉన్నారు. గోపిచంద్ మలినేని దర్శకత్వంలో మైత్రీ మూవీ మేకర్స్ బ్యానర్పై ఈ సినిమా తెరకెక్కుతోంది. ఈ మూవీలో బాలయ్యను ఢీకొట్టే విలన్ పాత్రలో కన్నడ నటుడు దునియా విజయ్ నటిస్తున్నారు. మరోవైపు ఈ సినిమాలో మరో లేడీ పవర్ ఫుల్ పాత్రలో వరలక్ష్మీ శరత్ కుమార్‌ కనిపించనున్నారు. బాలయ్య సరసన శ్రుతిహాసన్ హీరోయిన్గా నటిస్తుండగా.. తమన్ బాణీలు అందిస్తున్నారు.
అన్స్టాపబుల్ షోలో సిద్ధూ, విశ్వక్ సెన్
బాలయ్య హోస్ట్గా వ్యవహరిస్తున్న 'అన్స్టాపబుల్ షో-2'కు సంబంధించి సూపర్ అప్డేట్ వచ్చింది. సీజన్ 2 మొదటి ఎపిసోడ్కు గెస్ట్గా మాజీ ముఖ్యమంత్రి, తెదేపా అధినేత నారా చంద్రబాబు నాయడు, ఆయన కుమారుడు లోకేశ్ వచ్చారు. గంటపాటు నవ్వుల వర్షం కురిపించారు. రెండో ఎపిసోడ్ అదే రేంజ్లో ఉండేందుకు.. మాస్కా దాస్ విశ్వక్ సేన్, 'డీజే టిల్లు'తో అలరించిన సిద్ధు జొన్నలగడ్డ వచ్చారు. తాజాగా ఈ ఎపిసోడ్ ప్రోమోను ఆహా రిలీజ్ చేసింది. ఇందులో ఇద్దరు యువ కథానాయకులతో.. బాలయ్య అల్లరి మామూలుగా లేదు. వీళ్ల రాకతో రెండో ఎపిసోడ్లోనూ ప్రేక్షకులకు అన్స్టాపబుల్ ఫన్ అందించబోతున్నారని స్పష్టం అవుతోంది.
- " class="align-text-top noRightClick twitterSection" data="">
ఇవీ చదవండి: రిషబ్ శెట్టి 'కాంతార-2' సీక్వెల్ రానుందా?.. ఇదిగో క్లారిటీ!
పోలీస్‌ కథలు.. యాక్షన్‌ మొదలు.. సత్తా చాటేందుకు స్టార్ హీరోలు రెడీ!
