Nani Antey Sundaraniki teaser: తనదైన శైలి హాస్యంతో ప్రేక్షకులకు గిలిగింతలు పెట్టే కథానాయకుడు నాని. ఇప్పటికే పలు పూర్తిస్థాయి కామెడీ ఎంటర్‌టైనర్‌ సినిమాతో నవ్వించిన ఆయన త్వరలోనే 'అంటే సుందరానికీ!'తో మరోసారి సందడి చేయనున్నారు. జూన్ 10న ఈ సినిమాను రిలీజ్ చేయనున్నారు. ఈ నేపథ్యంలో చిత్రబృందం టీజర్ లాంఛ్ ఈవెంట్ను నిర్వహించి.. "సెలబ్రేట్‌ ది మ్యాడ్‌నెస్‌ ఆఫ్‌ లవ్‌, లాఫ్టర్‌ అండ్‌ ఫ్యామిలీ" అంటూ టీజర్ను విడుదల చేసింది. ఈ ప్రచార చిత్రం ఆద్యంతం నవ్వుల జల్లు కురిపిస్తోంది. ఇందులో నాని చెప్పిన సంభాషణలు అందరినీ ఆకట్టుకునేలా ఉన్నాయి. 'బ్రోచేవారెవరురా'తో మంచి విజయం అందుకున్న వివేక్‌ ఆత్రేయ ఈ సినిమాకు దర్శకత్వం వహించారు. మైత్రీ మూవీ మేకర్స్‌ సంస్థ నిర్మిస్తున్న ఈ సినిమాకు వివేక్‌ సాగర్‌ స్వరాలు సమకూర్చారు.
రొమాంటిక్‌ కామెడీ కథతో రూపొందుతున్న ఈ మూవీ షూటింగ్ ఇటీవలే పూర్తైంది. నాని ఇందులో కస్తూరి పూర్ణ వెంకట శేష సాయి పవన రామ సుందర ప్రసాద్‌ అనే బ్రహ్మాణ యువకుడిగా కనిపించబోతున్నారు. ఇక హీరోయిన్గా నటించిన నజ్రియా క్రిస్టియన్ అమ్మాయి పాత్రలో కనిపించనుంది. వీరి మధ్య ప్రేమ ఎలా పుట్టింది? ఈ ఇద్దరి ప్రేమను వారి కుటుంబాలు ఒప్పుకున్నారా? చివరకి ఈ జంట ఒక్కటైందా లేదా? అనేదే ఈ చిత్ర కథాంశం. దీనికి హాస్యాన్ని జోడించి సినిమాను చూపించబోతున్నారు. హర్షవర్ధన్‌, రాహుల్‌ రామకృష్ణ, సుహాస్‌ తదితరులు కీలక పాత్రలు పోషించారు. ఈ చిత్రంతో పాటు నాని ప్రస్తుతం 'దసరా' అనే చిత్రం పనుల్లోనూ బిజీగా ఉన్నారు.
- " class="align-text-top noRightClick twitterSection" data="">
ఇదీ చూడండి: 'ఎఫ్ 3' సాంగ్ ప్రోమో.. సూపర్గా కిరిటీ యాక్షన్ స్టంట్స్!
