Saipallavi special songs: ప్రముఖ నటి సాయిపల్లవి గురించి ప్రత్యేకంగా చెప్పనక్కర్లేదు. కెరీర్ ప్రారంభం నుంచి వైవిధ్యభరితమైన పాత్రల్లో నటిస్తూ టాలెంటెడ్ నటిగా గుర్తింపు తెచ్చుకుంది. ఓ నటిగా తనకు తాను కొన్ని పరిధులు విధించుకుని. గ్లామర్ పాత్రలకు, ఎక్స్పోజింగ్కు ఆమె దూరంగా ఉంటోంది. ఇప్పటివరకు ఏ చిత్రంలోనూ స్కిన్ షో చేయలేదు.
తాజాగా ఓ ఇంటర్వ్యూలో పాల్గొన్న ఈ ముద్దుగుమ్మకు ఈ విషయమై ప్రశ్న ఎదురైంది. 'పుష్ప' చిత్రంలో 'ఊ అంటావా మామ' పాట, 'రంగస్థలం' సినిమాలో 'జిగేలు రాణి' వంటి స్పెషల్ సాంగ్స్ లో అవకాశం వస్తే నటిస్తారా? అని అడగగా.. చేయనని స్పష్టం చేశారు. "ఆ సాంగ్స్ నాకు కంఫర్ట్గా ఉండవు. అవకాశం వచ్చినా చేయను. వస్త్రధారణ సరిగా లేకపోతే ఇబ్బందిగా ఉంటుంది. అలాంటి పాటలు చేయాలనే ఆసక్తి కూడా లేదు. జీవితానికి కెరీర్ ఎంత ముఖ్యమో ప్రేమ కూడా అంతే ముఖ్యం. రెండింటిలో ఏది లేకపోయినా లైఫ్ సంపూర్ణం కాదు" అని పేర్కొంది.
Nagachaitanya Bommarillu Bhaskar movie: యువ హీరో నాగచైతన్య వరుస సినిమాలు చేస్తూ కెరీర్లో ముందుకెళ్తున్నారు. ఇటీవలే 'లవ్స్టోరీ', 'బంగార్రాజు' చిత్రాలో సక్సెస్ అందుకున్న ఆయన ప్రస్తుతం పలు ప్రాజెక్ట్ల్లో నటిస్తూ బిజీగా ఉన్నారు. తాజాగా ఇప్పుడు ఆయన మరో కొత్త సినిమాకు పచ్చజెండా ఊపినట్లు తెలుస్తోంది. అఖిల్తో 'మోస్ట్ ఎలిజిబుల్ బ్యాచ్లర్' సినిమాను తెరకెక్కించి విజయాన్ని అందుకున్న బొమ్మరిల్లు భాస్కర్తో కలిసి పనిచేసేందుకు సిద్ధమయ్యారని తెలిసింది. ఈ మధ్యే చర్చలు జరిగాయని.. కథ నచ్చి చైతూ ఓకే చెప్పారని టాక్! 14 రీల్స్ సంస్థ వారు ఈ సినిమాను నిర్మిస్తున్నట్టు చెబుతున్నారు. త్వరలోనే దీనిపై స్పష్టత రానుంది. కాగా, త్వరలోనే 'లాల్ సింగ్ చద్ధా' సినిమాతో ప్రేక్షకుల ముందుకు రానున్న చైతూ.. ప్రస్తుతం థ్యాంక్యూ, దర్శకుడు వెంకట్ ప్రభుతో మూవీ చేస్తున్నారు. మరో డైరెక్టర్ పరశురామ్తో ఓ సినిమా చేస్తారని టాక్. ఇది పూర్తవ్వగానే బొమ్మరిల్లు భాస్కర్తో కలిసి పనిచేస్తారని సమాచారం.
ఇక విక్రమ్ కె.కుమార్ దర్శకత్వంలో నాగచైతన్య నటిస్తున్న చిత్రం 'థాంక్యూ'. వెంకటేశ్వర క్రియేషన్స్ పై దిల్ రాజు నిర్మిస్తున్న ఈ చిత్రం విడుదలకు ముస్తాబవుతోంది. ఈ సందర్భంగా చిత్ర బృందం టీజర్ విడుదల తేదీని ప్రకటించింది. ఈ నెల 25న సాయంత్రం 5 గంటల 4 నిమిషాలకు టీజర్ విడుదల చేయనున్నట్లు హీరో నాగచైతన్య తెలిపారు. బీవీఎస్ రవి కథను అందించిన ఈ చిత్రానికి తమన్ సంగీతాన్ని అందిస్తున్నాడు
ఇదీ చూడండి: అర్జునుడుగా మహేశ్.. టీచర్గా అల్లరినరేశ్.. నాని కష్టాలు!
