'కల్కి 2898 ఏడీ' ట్రైలర్​ డేట్ ఫిక్స్​ - సరిగ్గా అలా ఎలా చెప్పారు సారూ!

Nag Aswin Kalki 2898 AD : రెబల్ స్టార్ ప్రభాస్​- నాగ్ అశ్విన్ కాంబోలో తెరకెక్కుతున్న లేటెస్ట్ మూవీ 'కల్కి 2898 ఏడీ'. భారీ అంచనాల నడుమ రూపొందుతున్న ఈ మూవీ ప్రస్తుతం షూటింగ్ దశలో ఉంది. అయితే తాజాగా ఈ మూవీ డైరెక్టర్ ఈ సినిమా గురించి ఓ సాలిడ్ అప్​డేట్స్ ఇచ్చి ఫ్యాన్స్​ను ఖుష్​ చేశారు. ఆ విశేషాలు మీ కోసం.

Nag Aswin Kalki 2898 AD : రెబల్​ స్టార్ ప్రభాస్ ప్రస్తుతం 'సలార్‌' సక్సెస్​ను ఆస్వాదిస్తూ తన అప్​కమింగ్ ప్రాజెక్టు పనుల్లో బిజీగా ఉన్నారు. ఇప్పటికే ఆయన మారుతి డైరెక్షన్​లో ఓ సినిమా చేస్తుండగా, దీంతో పాటు నాగ్ అశ్విన్ తెరకెక్కిస్తున్న 'కల్కి 2898 ఏడీ'లోనూ నటిస్తున్నారు. ప్రస్తుతం ఈ రెండు సినిమాలు చిత్రీకరణ దశలో ఉంది. అయితే తాజాగా 'కల్కి 2898 ఏడీ' డైరెక్టర్ నాగ్‌ అశ్విన్‌ ఈ సినిమా గురించి ఓ అదిరిపోయే అప్​డేట్​ను ఇచ్చారు. ఆయన తాజాగా బాంబే ఐఐటీ నిర్వహించిన టెక్ ఫెస్ట్​లో పాల్గొని స్టూడెంట్స్​ అడిగిన ప్రశ్నలకు సమాధానాలు చెప్పారు. అంతే కాకుండా ఈ సినిమాకు సంబంధించిన కొన్ని విశేషాలను పంచుకున్నారు.

'కల్కి 2898 ఏడీ'లో ఫైటింగ్​ సీన్స్​ ఉంటాయా?
నాగ్‌ అశ్విన్‌ : ఉంటాయి. వాటిని కూడా మీరు బాగా ఎంజాయ్‌ చేస్తారు. ఈ సినిమా కచ్చితంగా అందరినీ ఆకట్టుకుంటుంది. త్వరలోనే ఈ సినిమా రిలీజ్ డేట్​ను అఫీషియల్​గా అనౌన్స్ చేస్తాం.

'కల్కి 2898 ఏడీ' ఎన్ని పార్టులుగా రానుంది? ఇందులో ప్రభాస్‌ ఎలా కనిపిస్తారు?
నాగ్‌ అశ్విన్‌ : ఎన్ని భాగాలుంటుందన్న విషయాన్ని త్వరలోనే వెల్లడిస్తాం. ఇందులో కచ్చితంగా ఫ్యూచర్‌ ప్రభాస్‌ను మీరు చూస్తారు. పురాణాలను సైన్స్‌తో కలపడం కూడా చాలా కొత్తగా ఉంది. మన పురాణాల్లోనూ ఆయుధాలను ఎలా ఉపయోగించాలో ఉంది. అవి ఎంతో పవర్‌ఫుల్‌. ఆ అస్త్రాలకు టెక్నాలజీ కలిస్తే ఎలా ఉంటుందో అనే విషయాలను ఇందులో చూడొచ్చు.

'కల్కి' ట్రైలర్‌ ఎప్పుడొస్తుంది?
నాగ్‌ అశ్విన్‌ : 93 రోజుల తర్వాత వస్తుంది.

ఈ సినిమాకు 'కల్కి' అని పేరు పెట్టడానికి గల కారణం?
నాగ్‌ అశ్విన్‌ : అది చాలా శక్తిమంతమైన పేరు. స్టోరీకి సరిపోతుందని దాన్ని పెట్టాం.

'కల్కి' సినిమా ఎంత కలెక్షన్లు సాధిస్తుందని మీరు అనుకుంటున్నారు?
నాగ్‌ అశ్విన్‌ : హ్యూజ్‌.

లోకేశ్‌ సినిమాటిక్‌ యూనివర్స్‌లాగా మీరు కూడా నాగ్‌ సినిమాటిక్‌ యూనివర్స్‌ ప్లాన్‌ చేస్తున్నారా?
నాగ్‌ అశ్విన్‌ : లేదు. ఈ ఒక్క సినిమా కాన్సెప్ట్‌ మాత్రమే ఇలా ఉంటుంది.

ప్రభాస్‌, అమితాబ్‌ బచ్చన్‌, కమల్‌ హాసన్‌లతో వర్క్‌ చేయడం ఎలా ఉంది?
నాగ్‌ అశ్విన్‌ : వాళ్లందరూ లెజెండ్స్‌. ఈ సినిమాను ఎంతో అభిమానిస్తారు. వాళ్లతో సినిమా చేయడం నాకు చాలా గర్వంగా ఉంది.

ఇండస్ట్రీలోకి వచ్చే డైరెక్టర్లకు మీరిచ్చే సలహా?

నాగ్‌ అశ్విన్‌ : ప్రాక్టీస్‌ చేస్తూనే ఉండాలి. ప్రతి అంశాన్ని పరిశీలించడం నేర్చుకోవాలి.

టీజర్‌కు వచ్చిన రెస్పాన్స్‌ మీకు ఎలా అనిపించింది?
నాగ్‌ అశ్విన్‌ : సంతోషంగా అనిపించింది. ఇందులో వాడిన ఆయుధాలు బాగున్నాయని చెప్పారు. అలాగే వీఎఫ్ఎక్స్‌ షాట్స్‌కు మంచి స్పందన వచ్చింది.