Mrunal Thakur Pippa Movie Release Date : ఓటీటీ ప్లాట్ఫామ్లు తమ ఆడియెన్స్ను ఎంటర్టైన్మెంట్ చేసేందుకు ఎప్పటికప్పుడు కొత్త కొత్త కంటెంట్లను తీసుకువస్తుంటాయ్. థియేటర్లలో విడుదలయ్యే సినిమాలు మాత్రమే కాకుండా.. డైరెక్ట్గా ఓటీటీ రిలీజ్ సినిమాలు, సీరిస్లను కూడా తీసుకొస్తుంటాయ్. అలా ఇప్పుడు సీతారామం ఫేమ్ మృణాల్ ఠాకూర్ నటించిన ఓ లేటెస్ట్ మూవీ డైరెక్ట్గా ఓటీటీ రిలీజ్కు రెడీ అయింది.
అదేంటంటే.. 'పిప్పా'. ఇందులో హీరో షాహిద్ కపూర్ తమ్ముడు ఇషాన్ కట్టార్ లీడ్ రోల్లో నటించారు. 1971 ఇండియా - పాకిస్థాన్ యుద్ధం ఆధారంగా ఈ చిత్రాన్ని రూపొందించారు. చిత్రంలో కెప్టెన్ బలరామ్ మెహతా పాత్రలో ఇషాన్ నటించారు. రాజా కృష్ణ మీనన్ దర్శకత్వం వహించారు. రీసెంట్గా విడుదలైన ఈ మూవీ ట్రైలర్కు మంచి రెస్పాన్స్ వచ్చింది. ఈ చిత్రం ఓటీటీలో డైరెక్ట్ రిలీజ్ కానుంది. తాజాగా స్ట్రీమింగ్ డేట్ను ఫిక్స్ చేశారు మేకర్స్. అమెజాన్ ప్రైమ్ ఓటీటీ ప్లాట్‍ఫామ్‍లో నవంబర్ 10 నుంచి అందుబాటులో ఉండనున్నట్లు వెల్లడించారు. యుద్ధంలో కెప్టెన్ బలరామ్ మెహతా చూపిన దేశభక్తి, పోరాటపటిమను ఈ సినిమాలో మేకర్స్ అద్భుతంగా చిత్రీకరించినట్లు సినీ వర్గాలు అంటున్నాయి. ఇంకా ఈ చిత్రంలో మృణాల్ ఠాకూర్తో పాటు ప్రియాన్షు పైన్యులీ, సోనీ రజ్దాన్ కూడా ఇతర ప్రధాన పాత్రల్లో నటించారు. ఏఆర్ రెహమాన్ సంగీతం అందించారు. ఆర్ఎస్‍వీపీ బ్యానర్‌పై రోనీ స్క్రీవాలా, రాయ్ కపూర్ ఫిల్మ్స్ బ్యానర్‌పై సిద్ధార్థ రాయ్ కపూర్ చిత్రాన్ని నిర్మించారు.
ఇకపోతే ఇషాన్ కట్టర్ గురించి ప్రత్యేక పరిచయం అక్కర్లేదు. తన తొలి చిత్రం ధడక్లో అందాల తార శ్రీదేవి ముద్దుల కూతురు జాన్వీ కపూర్తో కలిసి నటించారు. ఈ సినిమా మంచి హిట్ను అందుకుంది. ఆ తర్వాత పలు చిత్రాలు చేశారు. ఇక సీతారామం బ్యూటీ మృణాల్ ఠాకూర్.. త్వరలోనే నానితో కలిసి హాయ్ నాన్న(Mrunal Thakur Hai Nanna Movie) చిత్రంతో ప్రేక్షకుల ముందుకు రానుంది. విజయ్ దేవరకొండతో కలిసి ఫ్యామిలీ స్టార్ సినిమాలోనూ నటిస్తోంది. అలా ఇటు తెలుగుతో పాటు హిందీలోనూ సినిమాలు చేస్తూ బిజీగా ఉంది.
- " class="align-text-top noRightClick twitterSection" data="">
Mrunal Thakur Upcoming Movies : మృణాల్ ఠాకూర్ భవిష్యత్.. ఆ రెండిటిపైనే భారీ ఆశలు!
Nani Mrunal Liplock : మృణాల్ ఠాకూర్తో లిప్ లాక్.. హీరో నాని ఇంట్లో గొడవలు!
