'సినీ పరిశ్రమకు భూతంలా 'ఓటీటీ''

Raghavendra Rao OTT: ప్రస్తుత రోజుల్లో థియేటర్లకు ప్రజలను రప్పించడం చాలా కష్టమవుతోందని అన్నారు దర్శకేంద్రుడు రాఘవేంద్రరావు. సినీ పరిశ్రమ పాలిట ఓటీటీ ఓ భూతంగా మారిందని ఆయన వ్యాఖ్యానించారు. తాను సమర్పించిన 'పండుగాడ్'​ చిత్ర టీజర్​ను విడుదల చేశారు.

Raghavendra Rao OTT: సినీ పరిశ్రమకు ఓటీటీ ఓ భూతంగా మారిందని దర్శకేంద్రుడు రాఘవేంద్రరావు అన్నారు. ప్రేక్షకులను థియేటర్​కు రప్పించేలా ఉండే కథలతో దర్శకులు సినిమాలు తీయాలని ఆయన సూచించారు. తన సమర్పణలో శ్రీధర్ సిపాన దర్శకత్వం వహించిన 'పండుగాడ్​' టీజర్​ను హైదరాబాద్​లో రాఘవేంద్రరావు ఆవిష్కరించారు. ఈ సందర్భంగా 'పండుగాడ్' చిత్ర నటీనటులు, సాంకేతిక బృందానికి అభినందనలు తెలిపిన ఆయన.. చిన్న సినిమాల మనుగడ ప్రశ్నార్థకమవుతున్నరోజుల్లో హాయిగా నవ్వుకునేలాంటి పెద్ద సినిమా ఈ 'పండుగాడ్' అంటూ ప్రశంసించారు. ఈ చిత్రంలో సునీల్, అనసూయ, సప్తగిరితోపాటు టాలీవుడ్​లోని హాస్యనటులంతా వివిధ పాత్రల్లో నటించారు. ఆగస్టు 19న ఈ చిత్రం ప్రేక్షకుల ముందుకు రానుంది.

• " class="align-text-top noRightClick twitterSection" data="">

Posani New Movie: నటుడు, రచయిత పోసాని కృష్ణమురళి ప్రధాన పాత్రలో నటిస్తూ దర్శకత్వం వహించిన చిత్రం 'వాడెవ్వడు వీడెవ్వడు మన ప్రేమకు అడ్డెవ్వడు'. పోసాని కుమారుడు ఉజ్వల్ ఈ చిత్రానికి కథ, స్క్రీన్ ప్లే, మాటలు అందించారు. హైదరాబాద్ ప్రసాద్ థియేటర్​లో చిత్ర బృందం ఈ సినిమా టైటిల్ పోస్టర్​ను విడుదల చేసింది. విభిన్న కథతో 30 రోజుల్లో ఈ సినిమా చిత్రీకరణ పూర్తి చేస్తామని, ఆగస్టు మొదటి లేదా రెండో వారంలో సినిమాను ప్రేక్షకుల ముందుకు తీసుకొస్తామని పోసాని తెలిపారు.

పోసాని కొత్త చిత్రం పోస్టర్​

Rama Rao On Duty Release Date: ప్రభుత్వాధికారిగా హీరో రవితేజ నటించిన చిత్రం 'రామారావు ఆన్‌ డ్యూటీ'. శరత్‌ మండవ దర్శకుడు. సుధాకర్‌ చెరుకూరి నిర్మాత. జూన్‌ 17న విడుదల కావాల్సిన ఈ చిత్రం ఇటీవలే వాయిదా పడింది. అయితే తాజాగా కొత్త రిలీజ్​ డేట్​ను ఖరారు చేసుకుంది. జులై 29న ప్రపంచవ్యాప్తంగా థియేటర్లలో విడుదల కానున్నట్లు తెలిపింది.

యథార్థ ఘటనల ఆధారంగా తెరకెక్కుతోన్న ఈ చిత్రంలో రవితేజ సరసన రజిషా విజయన్‌, దివ్యాంశ కౌశిక్‌ సందడి చేయనున్నారు. వేణు తొట్టెంపూడి, నాజర్‌, నరేశ్‌ తదితరులు కీలక పాత్రల్లో కనిపించనున్నారు. ఈ చిత్రానికి సంగీతం-సామ్‌ సి.ఎస్‌, కూర్పు-ప్రవీణ్‌ కెఎల్‌, ఛాయాగ్రహణం-సత్యన్‌ సూర్యన్‌ అందిస్తున్నారు.

రామారావు ఆన్​ డ్యూటీ

Akhil Agent Movie Teaser Release Date: అక్కినేని అఖిల్ హీరోగా స్పై థ్రిల్ల‌ర్ క‌థాంశంతో రూపొందుతోన్న చిత్రం 'ఏజెంట్'. ఈ సినిమాకు సురేంద‌ర్‌రెడ్డి ద‌ర్శ‌క‌త్వం వ‌హిస్తున్నారు. తాజాగా ఈ మూవీ టీజ‌ర్ డేట్​ను ఆదివారం వెల్ల‌డించారు. జులై 15న టీజర్​ను విడుదల చేయబోతున్నట్లు తెలిపారు. ఈ మేరకు స్పెషల్ వీడియోను రిలీజ్ చేశారు. ఈ సినిమాలో ఎయిట్ ప్యాక్ లుక్​లో అఖిల్ క‌నిపించ‌బోతున్నారు. పూర్తిగా ఈ క్యారెక్ట‌ర్ కోసం త‌న‌ను తాను కొత్త‌గా మేకోవ‌ర్ చేసుకొని అఖిల్​ న‌టిస్తున్నారు. 'ఏజెంట్' సినిమాలో మ‌ల‌యాళ అగ్ర న‌టుడు మ‌మ్ముట్టి కీల‌క పాత్ర‌ పోషిస్తున్నారు.

• " class="align-text-top noRightClick twitterSection" data="">

ఇదీ చదవండి: 'బాహుబలి' @7 ఇయర్స్​​.. ఆ ఒక్క సీన్​ అలా తీసి ఉంటే.. రచ్చ రచ్చే!