Miss Shetty MR Polishetty Box Office Collection : సీనియర్ హీరోయిన్ అనుష్క దాదాపు ఐదేళ్ల విరామం తర్వాత నటించిన లేటెస్ట్ మూవీ 'మిస్ శెట్టి మిస్టర్ పోలిశెట్టి'. జాతి రత్నాలు ఫేమ్ నవీన్ పోలిశెట్టి కథానాయకుడిగా వచ్చిన ఈ సినిమా సెప్టెంబర్ 7న రిలీజై పాజిటివ్ టాక్ తెచ్చుకుంది. ఈ సినిమా విడుదల రోజే షారుక్ ఖాన్ జవాన్ కూడా ప్రేక్షకుల ముందుకు రావడం వల్ల.. మంచి ఓపెనింగ్స్ అందుకోలేకపోయింది. ఆ తర్వాత క్రమక్రమంగా మౌత్ టాక్తో హిట్ స్టేటస్ అందుకుని బాక్సాఫీస్ వద్ద స్టడీగా వసూళ్లను అందుకుంటూ ముందుకెళ్తోంది.
కామెడీ ఎంటర్టైనర్ అండ్ సరోగసీ కాన్సెప్ట్తో ఫన్నీగా వచ్చిన ఈ చిత్రం.. పదో రోజు కూడా మంచిగానే వసూలు చేసింది. వీకెండ్ కావడంతో సినిమాకు కాస్త కలిసొచ్చింది. మొత్తంగా ఈ చిత్రం పది రోజుల్లో ఇండియా వైడ్గా రూ. 20.23 కోట్లు, రూ.34.75 కోట్లు అందుకుందట. ఓవర్సీస్లో ఈ చిత్రం సక్సెస్ ఫుల్గా రన్ అవుతోంది. యూఎస్ఏ బాక్సాఫీస్ ముందు ఇప్పటివరకు 1.5 మిలియన్ డాలర్స్(Miss Shetty MR Polishetty Overseas Collections) అందుకున్నట్లుగా అక్కడి డిస్ట్రిబ్యూటర్స్ కన్ఫార్మ్ చేశారు. 2 మిలియన్ డాలర్స్ మార్క్ను కూడా చేరుకుంటుంద‌ని మేక‌ర్స్ వెల్ల‌డించారు. ఇకపోతే ఈ సినిమా ఓటీటీ హ‌క్కుల‌ను నెట్‌ఫ్లిక్స్‌ దక్కించుకోగా.. శాటిలైట్‌ రైట్స్‌ను జీ టీవీ సొంతం చేసుకుంది.
లాభాలు ఎంతంటే?.. ఈ చిత్రం వరల్డ్ వైడ్గా రూ. 12.50 కోట్ల వరకు బిజినెస్ జరిగిందని ట్రేడ్ వర్గాలు పేర్కొన్నాయి. అంటే బ్రేక్ ఈవెన్ టార్గెట్ రూ. 13.50 కోట్లు నమోదైంది. ఈ చిత్రం ఇప్పుడు పది రోజుల్లో రూ.20 కోట్ల వరకు అందుకుంది. అంటే.. హిట్ స్టేటస్‌తో పాటు రూ.6 కోట్ల వరకు లాభాలు అందుకుంది.
ఇకపోతే ఈ సినిమాకు మహేశ్ బాబు పచ్చిగొళ్ల దర్శకత్వం వహించారు. యూవీ క్రియేషన్స్ బ్యానర్‌పై వంశీ కృష్ణారెడ్డి, ప్రమోద్ ఉప్పలపాటి నిర్మించారు. రాధాన్, గోపీ సుందర్ మ్యూజిక్ అందించారు. ఇందులో జయసుధ, అభినవ్ గోమటం, మురళీ శర్మ, తులసి, సోనియా దీప్తిలు ఇతర కీలక పాత్రల్లో నటించారు.
- " class="align-text-top noRightClick twitterSection" data="">
Miss Shetty Mr Polishetty VS Jawan : రెండు సినిమాలు ఒకే ఓటీటీలో.. స్ట్రీమింగ్ ఎప్పుడంటే?
Miss Shetty Mr Polishetty Review : అనుష్క- నవీన్ లేటెస్ట్ మూవీ ఎలా ఉందంటే ?
