Mahesh Rajamouli Movie Hollywood Actors : సూపర్ స్టార్ మహేశ్ బాబు - దర్శకధీరుడు రాజమౌళి ఓ భారీ పాన్ వరల్డ్ సినిమా చేయబోతున్న సంగతి తెలిసిందే. ఈ మూవీ అనౌన్స్ చేసినప్పటి నుంచి సినిమాకు సంబంధించి ఏదో ఒక వార్త నెట్టింట్లో ట్రెండ్ అవుతూనే ఉన్నాయి. అలాగే జక్కన్న తండ్రి, ప్రముఖ రచయిత విజయేంద్ర ప్రసాద్‌ కూడా తాను ఇస్తున్న ప్రతి ఇంటర్వ్యూలో ఏదో ఒక ఇంట్రెస్టింగ్ విషయాన్ని చెబుతూ సినిమాపై హైప్ పెంచుతున్నారు. తాజాగా ఆయన మరో విషయాన్ని చెప్పి.. మహేశ్ అభిమానుల్లో ఫుల్ జోష్‌ నింపారు.
Vijayendra Prasad About SSMB29 : ఈ సినిమాలో హాలీవుడ్ స్టార్ యాక్టర్స్ ఉంటారని గతంలో చాలా వార్తలు వచ్చిన సంగతి తెలిసిందే. అయితే ఈ విషయంపై విజయేంద్ర ప్రసాద్‌ మాట్లాడారు. "మహేశ్-రాజమౌళి సినిమాలో హాలీవుడ్ యాక్టర్స్ నటించే ఛాన్స్ ఉంది. అయితే మేము వారిని ఇంకా సంప్రదించలేదు. ఇది ఆఫ్రికాలో సాగే అడ్వెంచర్స్‌ మూవీ. ఇంతకు మించి ఎక్కువ అప్పుడే చెప్పకూడదు" అని అన్నారు. ఇకపోతే ఇప్పటికే ఎన్నో అంచనాలు పెట్టుకున్న ఫ్యాన్స్.. ఇప్పుడీ కామెంట్స్ విని ఆ అంచనాలు మరింత పెంచేసుకున్నారు. ఇక ఈ మూవీ 2023 చివరి నాటికి సెట్స్‌ పైకి వెళ్లే ఛాన్స్ ఉంది. భారీ బడ్జెట్‌తో తెరకెక్కనుంది.
Rajamouli SSMB29 : గతంలో ఇదే సినిమాపై దర్శకుడు రాజమౌళి కూడా మాట్లాడారు. ఈ చిత్రం గత పదేళ్ల నుంచి వాయిదా పడుతూ వస్తోందని చెప్పారు. గ్లోబల్‌ అడ్వెంచర్‌గా సినిమాను రూపొందించబోతున్నట్లు పేర్కొన్నారు. ప్రస్తుతం స్క్రిప్ట్ వర్క్ చేస్తున్నట్లు వెల్లడించారు. అలాగే మహేశ్ పాత్ర హనుమంతుడిని ప్రేరణగా తీసుకొని రాసినట్లు తెలిసింది. ప్రస్తుతం మహేశ్ మాటల మాంత్రికుడు త్రివిక్రమ్ దర్శకత్వంలో 'గుంటూరు కారం' అనే పవర్ఫుల్ యాక్షన్ సినిమా చేస్తున్నారు. ప్రస్తుతం షూటింగ్ జరుపుకుంటోందీ చిత్రం. ఈ సినిమా పూర్తయ్యాక.. రాజమౌళి సినిమా మొదలు పెట్టే అవకాశాలు ఉన్నాయి.
Rajamouli Mahesh babu movie : ఆ రోజు సర్‌ప్రైజ్‌ ఇవ్వనున్న రాజమౌళి!
మహేశ్ గ్యారేజ్లోకి మరో లగ్జరీ కారు.. ధర తెలిస్తే షాకవ్వాల్సిందే!
