Maa Oori Polimera 2 Movie : 'మా ఊరి పొలిమేర'.. కరోనా టైమ్లో ఏమాత్రం అంచనాలు లేకుండా ఓటీటీలో రిలీజై విశేష ఆదరణ అందుకుంది. సత్యం రాజేశ్, బాలాదిత్య, గెటప్ శ్రీను ప్రధాన పాత్రలో వచ్చిన ఈ సస్పెన్స్ థ్రిల్లర్కు ప్రేక్షకుల వెన్నులో వణుకు పుట్టించింది. అయితే చేతబడి కాన్సెప్ట్తో వచ్చిన ఈ చిత్రానికి ఇప్పుడు సీక్వెల్ రాబోతుంది. మరో మూడు రోజుల్లో ఈ సారి థియేటర్లో రానుంది. విడుదల తేదీ దగ్గరపడడంతో ఇప్పటికే ప్రమోషన్స్లో జోరు పెంచింది మూవీటీమ్. ఈ క్రమంలోనే తాజాగా ఓ ఇంటర్వ్యూలో పాల్గొన్న ఈ చిత్ర దర్శకుడు అనిల్ విశ్వనాథ్.. 'పొలిమేర 1'తో పోల్చితే 'పొలిమేర 2'తో దాదాపు పది రెట్లు ఎక్కువ థ్రిల్‌ను అనుభూతి చెందుతారని అన్నారు.
"అసలు ఈ చిత్రం రెండు భాగాల కథ కాదు. మొదట ఒక కథగానే రాసుకున్నాను. కానీ ఫస్ట్ పార్ట్ గంటన్నార నిడివితోనే ఉంటుంది. ఎందుకంటే అక్కడికే మంచి హై వచ్చిన ఫీలింగ్‌ కలిగింది. అందుకే రన్ టైమ్ తక్కువ ఉన్నా.. ఎలాగో ఓటీటీ మూవీనే కాబట్టి అక్కడితే ముగించాం. దానికి మంచి రెస్పాన్స్ వస్తే మిగతా కథను సెకండ్ పార్ట్గా రిలీజ్ చేయాలని అప్పుడు నిర్ణయించుకున్నాం. అనుకున్నట్టే తొలి భాగానికి మంచి రెస్పాన్స్ వచ్చింది. ఇక మిగిలి ఉన్న మరో అరగంట కథను కాస్త పెంచి సీక్వెల్గా సిద్ధం చేశాను.
తొలి భాగంలో ట్విస్ట్లను బాగా ఎంజాయ్‌ చేశారు ఆడియెన్స్. దీంతో రెండో భాగంలో ప్రేక్షకులు ఊహించలేని ఎనిమిది ట్విస్ట్లను పెట్టాను. అవి అందర్నీ ఆశ్చర్యపరుస్తాయి. క్లైమాక్స్ ఎంతో షాకింగ్‌గా ఉంటాయి. పార్ట్ 3 కూడా(Maa Oori Polimera 3) ఉంటుందని అనౌన్స్ చేశాను. దీనికి సంబంధించి కథ కూడా రెడీగా ఉంది." అని అన్నారు.
కాగా, ఈ చిత్రాన్ని శ్రీకృష్ణ క్రియేషన్స్ బ్యానర్పై గౌరికృష్ణ ఎక్కడా రాజీపడకుండా నిర్మించారు. మూఢ నమ్మకాల నేపథ్యంగా గ్రామీణ ప్రాంతంలో జరిగే కథతో రూపొందించారు. ఇంకా సినిమాలో డాక్టర్ కామాక్షి, రాకేందు మౌళి, అక్షత, రవివర్మ, చిత్రం శ్రీను కూడా నటించారు.
- " class="align-text-top noRightClick twitterSection" data="">
This week movie Releases : ఈ వారం థియేటర్/ఓటీటీలో 13 సినిమాలు.. నవ్విస్తూనే భయపెట్టేలా!
