ప్రకాశ్‌రాజ్‌, బ్రహ్మానందం, రమ్యకృష్ణ.. తదితరులు ప్రధాన పాత్రల్లో నటించిన చిత్రం 'రంగమార్తాండ'. దర్శకుడు కృష్ణవంశీ ఈ చిత్రాన్ని ప్రతిష్టాత్మకంగా తెరకెక్కించారు. ఈ సినిమా ఉగాది కానుకగా మార్చి 22న ప్రేక్షకుల ముందుకు రానుంది. ఈ సందర్భంగా మూవీటీమ్ ట్రైలర్‌ను విడుదల చేసింది. ఈ ప్రచార చిత్రం ఆద్యంతం హృదయాన్ని హత్తుకునేలా సాగింది. ఈ ప్రచార చిత్రంలో సినిమాపై ఉన్న అంచనాలను మరింతగా పెంచేశారు కృష్ణవంశీ.
రంగస్థల నటుడిగా తన గత వైభవాన్ని ప్రకాశ్ రాజ్ గుర్తుచేసుకునే నేపథ్యంలో ప్రారంభమైన ఈ ప్రచార చిత్రం.. ఆ తర్వాత తన కుటుంబ సభ్యులే తనకు ఎదురు తిరగడం.. సొంత కూతురే తనను దొంగగా అనుమానించడం వంటి సంఘటనలను తట్టుకోలేక భార్య రమ్యకృష్ణతో కలిసి మరో జీవితాన్ని మొదలుపెట్టడం ఈ ట్రైలర్ చూస్తే కనిపిస్తోంది. ముఖ్యంగా రమ్యకృష్ణ-ప్రకాశ్ రాజ్.. బ్రహ్మానందం-ప్రకాశ్ రాజ్ మధ్య సాగే ఎమోషన్స్, డైలాగ్స్ హైలైట్గా నిలిచాయి. ఎప్పుడూ నవ్విస్తూ హాస్యం పండించే బ్రహ్మానందం.. తన డైలాగ్స్తో భావోద్వేగానికి గురిచేశారు. మొత్తంగా.. జీవితంలో నటనను ప్రాణంగా భావించే ఒక రంగస్థల కళాకారుడి అనుభవాలు.. జ్ఞాపకాలను.. సినిమాగా రూపొందించారు. అనుభూతులకు, భావోద్వేగాలకు ప్రాధాన్యత ఇస్తూ కథను నడిపించారు.
ఇకపోతే ఈ సినిమాను హౌస్ఫుల్ మూవీస్, రాజశ్యామల ఎంటర్టైన్మెంట్స్ బ్యానర్పై నిర్మించారు. ఇటీవలే ఓ ఇంటర్వ్యూలో పాల్గొన్న కృష్ణవంశీ.. ఈ చిత్రంలో తన భార్య, సీనియర్ నటి రమ్యకృష్ణ పోషించిన పాత్రకు సంబంధించి ఓ ఇంట్రెస్ట్ విషయాన్ని తెలిపారు. ఆమెకు సంబంధించిన సన్నివేశాన్ని 36 గంటల పాటు చిత్రీకరించినట్లు పేర్కొన్నారు. సెంటిమెంట్‌ అడ్డొచ్చినా సినిమాకే హైలైట్గా నిలిచేది అవ్వడం వల్ల ఆ సీన్ను తీయక తప్పలేదని చెప్పుకొచ్చారు. నేటివిటీని దృష్టిలో పెట్టుకుని స్క్రిప్టును కొత్తగా రాసిటన్లు వెల్లడించారు.
ఇంకా ఈ చిత్రంలో శివాత్మిక రాజ శేఖర్‌, రాహుల్‌ సిప్లిగంజ్‌, ఆదర్శ్‌ బాలకృష్ణ తదితరులు కూడా ఈ చిత్రంలో యాక్ట్ చేశారు. మెగాస్టార్ చిరంజీవి ఓ షాయరీని ఆలపించారు. ఇప్పటికే ఈ సినిమాకు సంబంధించి ప్రివ్యూలను కూడా ప్రదర్శించారు. దర్శకులు శేఖర్‌ కమ్ముల, హరీశ్‌ శంకర్‌, బి. గోపాల్‌, దేవ కట్టా, బుచ్చిబాబు, నందిని రెడ్డి, అనుదీప్‌ కె. వి. తేజతో పాటు పలువురు ఈ సినిమా చూసి తమ అభిప్రాయాన్ని వ్యక్తం పరిచరు. సినిమా అద్భుతంగా ఉందని కితాబిచ్చారు. ఇతర సెలబ్రిటీలు కూడా ప్రశంసిస్తూ.. చిత్రాన్ని వివరిస్తూ ట్వీట్స్ కూడా చేశారు. ముఖ్యంగా బ్రహ్మానందం పోషించిన పాత్ర ఎంతో భావోద్వేగానికి గురిచేస్తుందని చెప్పారు.
- " class="align-text-top noRightClick twitterSection" data="">
ఇదీ చూడండి: Rangamarthanda: 'ఆ ఒక్క సీన్ను 36 గంటల పాటు షూట్‌ చేశాం'
