ఇండస్ట్రీలో వస్తున్న రిజల్ట్స్తో సంబంధం లేకుండా వరుస సినిమాలతో దూసుకెళ్తున్నారు యంగ్ హీరో కిరణ్ అబ్బవరం. 'వినరో భాగ్యము విష్ణు కథ' సినిమా తర్వాత ఆయన 'మీటర్' అనే సినిమాలో నటిస్తున్నారు. రమేశ్ కాడూరి దర్శకత్వం వహిస్తున్న ఈ చిత్రం ద్వారా కోలీవుడ్ యంగ్ హీరోయిన్ అతుల్య రవి తెలుగు తెరకు పరిచయమౌతున్నారు. మైత్రీ మూవీ మేకర్స్తో పాటు క్లాప్ ఎంటర్టైన్మెంట్ సంయుక్తంగా నిర్మిస్తున్న ఈ సినిమాలో హీరో కిరణ్ అబ్బవరం తొలిసారి పోలీస్ పాత్రలో నటిస్తున్నారు. ఏప్రిల్ 7 ఈ సినిమా థియేటర్లలో సందడి చేయనుంది.
ఈ క్రమంలో సినిమా ప్రమోషన్స్‌పై దృష్టి సారించిన చిత్ర బృందం ప్రస్తుతం అదే పనిలో ఉన్నారు. ఇందులో భాగంగా ఈ మూవీ ట్రైలర్ను బుధవారం విడుదల చేశారు. ఔట్ అండ్ ఔట్ యాక్షన్ సీక్వెన్స్తో రూపొందిన ఈ ట్రైలర్ చూసేందుకు చాలా ఆసక్తిగా ఉందని నెటిజన్లు కామెంట్ చేస్తున్నారు. ఇక ఈ ట్రైలర్ చూస్తుంటే కిరణ్ అబ్బవరం ఈ సారి లవ్‌, రొమాన్స్‌, యాక్షన్, కామెడీ, లాంటి అన్నీ జానర్స్తో సెన్సేషన్ క్రియేట్ చేయనున్నారని అభిమానులు అంటున్నారు. ప్రస్తుతం ఈ ట్రైలర్ సినిమాపై మరింత భారీ అంచనాలను పెంచేసింది. ట్రైలర్తో పాటు అందులోని పవర్ ఫుల్ డైలాగ్స్ ప్రేక్షకులను ఆకట్టుకుంటున్నాయి. "భగవంతుడి ముందు భక్తితోను .. బలవంతుడి ముందు భయంతోను ఉండాలి" అంటూ సాగే ఓ డైలాగ్ ట్రైలర్కు హైలైట్‌గా నిలిచింది.
మైత్రీ మూవీ మేకర్స్ బ్యానర్‌పై నవీన్ యెర్నేని, రవిశంకర్ యలమంచిలి, చిరంజీవి, హేమలత పెదమల్లు ఈ సినిమాను సంయుక్తంగా నిర్మిస్తున్నారు. భారీ బడ్జెట్‌తో తెరకెక్కుతున్న ఈ ఈ చిత్రానికి సాయి కార్తిక్‌ సంగీతాన్ని అందించారు. మేకర్స్ ఇప్పటివరకు రెండు పాటలతో పాటు ఓ టీజర్‌ను విడుదల చేశారు. ఇక బుధవారం రిలీజైన ట్రైలర్తో సినిమాపై మరింత హైప్ను పెంచేసింది.
- " class="align-text-top noRightClick twitterSection" data="">
నెలల వ్యవధిలో హీరో కిరణ్ అబ్బవరం నాలుగు సినిమాలను విడుదల చేశారు. గత ఏడాది 'సెబాస్టియన్', 'పీసీ 524', 'సమ్మతమే','నేను మీకు బాగా కావాల్సిన వాడిని' చిత్రాలు చేశారు. అయితే వాటన్నింటిని పాజిటివ్ టాక్ వచ్చినప్పటికీ బాక్సాఫీస్ వద్ద ఆశించిన స్థాయిలో వసూళ్లు రాబట్టలేకపోయింది. ఆ తర్వాత వచ్చిన 'వినరో భాగ్యము విష్ణు కథ' కూడా మంచి టాక్ సొంతం చేసుకుంది. ఈ సక్సెస్తో మంచి జోష్లో ఉన్న కిరణ్ అబ్బవరం.. ప్రస్తుతం వరుస ఆఫర్లతో బిజీ అయిపోయారు. ఇక హీరోయిన్ అతుల్య సైతం ట్రైలర్లో కనువిందు చేశారు.
