Vijay sethupati-katrina kaif: దక్షిణాది నటుడు విజయ్ సేతుపతి కథానాయకుడిగా కత్రీనా కైఫ్ నాయికగా 'మెర్రీ క్రిస్మస్‌' సినిమా చేస్తున్నారు. 'అంధాదున్‌' దర్శకుడు శ్రీరామ్ రాఘవన్‌ దర్శకత్వం వహిస్తున్నారు. తాజాగా ఈ చిత్రానికి సంబంధించి ఓ అప్డేట్ను కత్రిన సోషల్మీడియాలో పోస్ట్ చేసింది. 'వర్క్ ఇన్ ప్రొగ్రెస్' అని క్యాప్షన్ జోడించింది. సీన్కు సంబంధించిన చర్చలు జరపడం సహా రిహార్సల్స్ చేస్తున్న ఫొటోలను షేర్ చేసింది. ఈ ఫొటోస్లో కత్రిన, విజయ్ సేతుపతి, శ్రీరామ్ రాఘవన్‌ ఉన్నారు. ఈ చిత్రాన్ని వచ్చే ఏడాది క్రిస్మస్‌ కానుకగా డిసెంబరు 23న ప్రేక్షకుల ముందుకు తీసుకురానున్నారు. థ్రిల్లర్‌ కథాంశంతో తెరకెక్కుతోన్న ఈచిత్రాన్ని రమేష్‌ తరుణి, సంజయ్‌ రౌట్రే నిర్మిస్తున్నారు.
కాగా, కొంతకాలం క్రితం విక్కీకౌశల్ను పెళ్లి చేసుకున్న ఈ ముద్దుగుమ్మ.. ఇటీవలే మాల్దీవుల పర్యటనకు వెళ్లి వచ్చింది. భర్తతో కలిసి అక్కడ ఫుల్ ఎంజాయ్ చేసింది. దానికి సంబంధించిన ఫొటోలను ఎప్పడికప్పుడు అభిమానులతో పంచుకుంది. ఆ పర్యటన ముగించుకుని ఇటీవలే ఇక్కడికి వచ్చిన ఈ భామ సినిమా షూటింగ్లపై దృష్టి సారించింది. అందులో భాగంగానే విజయ్సేతుపతితో కలిసి చేస్తున్న మూవీ చిత్రీకరణలో పాల్గొంది. మరోవైపు విజయ్ సేతుపతి కూడా ఇటీవలే 'విక్రమ్'లో విలన్గా నటించి ప్రేక్షకుల్ని అలరించారు. ప్రస్తుతం చేతినిండా సినిమాలతో బిజీగా ఉన్నారు.
- " class="align-text-top noRightClick twitterSection" data="
">
ఇదీ చూడండి: Nude photoshoot: చిక్కుల్లో రణ్వీర్.. పోలీస్స్టేషన్లో ఫిర్యాదు
