Kantara 2 Prequel Update : 'కాంతార'.. సౌత్ ఇండస్ట్రీ రేంజ్ను మరోసారి పాన్ ఇండియా స్థాయికి తీసుకెళ్లిన సినిమా. రిషభ్ శెట్టి స్వీయ దర్శకత్వంలో రూపొందింది ఈ సినిమా. కథతో పాటు సినిమాలోని ప్రతి పాత్రను అధ్బుతంగా తీర్చిదిద్దారు. ఈ అంశాలే సినిమాకు భారీ కలెక్షన్లు తెచ్చిపెట్టాయి. దీంతో బాక్సాఫిస్ వద్ద బ్లాక్బస్టర్ హిట్గా నిలిచింది. కన్నడ సహా, తెలుగు, తమిళం, హిందీ, మలయాళం, తులు భాషల్లో విడుదలైన ఈ సినిమాను ప్రేక్షకులు ఆదరించారు. ఈ ఉత్సాహంతోనే సినిమా వంద రోజుల ఫంక్షన్లో ఈ చిత్రానికి సీక్వెల్ కాకుండా ప్రీక్వెల్ ఉంటుందని డైరెక్టర్ అనౌన్స్ చేశారు.
Kantara 2 Prequel Update : తాజాగా కాంతార-2 గురించి ఓ అప్డేట్ వచ్చింది. ప్రీక్వెల్ కోసం సన్నాహాలు మొదలు పెట్టిన మేకర్స్.. సినిమా స్క్రిప్ట్కు సంబంధించిన ఫైనల్ డ్రాఫ్ట్ సిద్ధం చేసినట్లు తెలుస్తోంది. ఈ మేరకు సోషల్ మీడియాలో వార్తలు చక్కర్లు కొడుతున్నాయి. దీంతో నెటిజన్లు సరదాగా ప్రీక్వెల్ స్టోరీని గెస్ చేస్తూ కామెంట్లు పెడుతున్నారు. ఫైనల్ చేసిన ఈ మొదటి డ్రాఫ్ట్పై రిషభ్‌తో పాటు సినిమా టీమ్ సంతృప్తిగా ఉందని.. ఇంకాస్త సమయం తీసుకొని స్క్రిప్ట్‌ని రివ్యూ చేయనున్నారని సమాచారం. రివ్యూ సమయంలో ఏమైనా మార్పులు చేర్పులు చేయాలా అనేది చూసి చివరగా ప్రీక్వెల్ కథ కాపీను సెట్స్పై తీసుకెళ్తారట.
ఇదిలా ఉంటే ఇప్పటికే ఈ ప్రాజెక్ట్ కోసం లొకేషన్ స్పాట్లను వెతికే పనుల్లో నిమగ్నమయిందట చిత్ర బృందం. ఇందుకోసం కోస్టల్ కర్ణాటకలోని కొన్ని ప్రాంతాలను పరిశీలించినట్లు తెలిసింది. అంతా అనుకున్న ప్రకారం జరిగితే.. కాంతార పార్ట్-2 షూటింగ్ వర్షాకాలం ప్రారంభంలో షురూ కానుంది. కాంతార పార్ట్-1 బ్లాక్బస్టర్ హిట్ కావడం వల్ల రెండో భాగంపై భారీ అంచనాలే పెట్టుకున్నారు దర్శక నిర్మాతలు. ఇందులో ప్రధానంగా 'భూతకోల' ఆచారాన్ని చూపించనున్న నేపథ్యంలో ఈ ప్రాజెక్ట్ కోసం ఫ్యాన్స్ ఆతృతగా వేచి చూస్తున్నారు. గతేడాది సెప్టెంబర్లో రిలీజ అయిన ఈ కన్నడ సినిమా.. కేవలం రూ.15 కోట్ల బడ్జెట్‌తో రూపొందింది. విడుదల తర్వాత దాదాపు రూ.500 కోట్ల వసూళ్లను రాబట్టగలిగింది. అంజనీశ్ లోక్‌నాథ్‌ ఈ సినిమాకు మ్యూజిక్ అందించారు. ఇందులోని 'వరహా రూపం' సాంగ్ ప్రేక్షకులను కట్టిపడేసింది.
ఐరాసలో 'కాంతార'..
ఇటీవలే కాంతారకు ఓ అరుదైన గౌరవం దక్కింది. స్విట్జర్లాండ్ జెనీవాలోని ఐక్యరాజ్య సమితి కార్యాలయంలో మార్చి 17న ఈ సినిమాను ప్రదర్శించారు. ఇందుకోసం స్విట్జర్లాండ్కు చేరుకున్న రిషబ్ శెట్టి.. సినిమా స్క్రీనింగ్‌ పూర్తైన అనంతరం వేదికపై ప్రసంగించారు.
