బాలకృష్ణ, శ్రుతి హాసన్ జంటగా నటించిన 'వీరసింహారెడ్డి' సినిమా కోసం అభిమానులు ఎంతగానో ఎదురుచూస్తున్నారు. అన్ని పనులను పూర్తి చేసుకున్న ఈ చిత్రం జనవరి 12న ప్రేక్షకుల ముందుకు రానుంది. అయితే ఈ సినిమాలో ప్రతినాయకుడిగా కన్నడలో మంచి యాక్టర్, ఫిల్మ్ మేకర్గా పేరొందిన దునియా విజయ్ ప్రేక్షకులను అలరించనున్నారు. విలన్ రోల్లో నటించి తెలుగు ఇండస్ట్రీలోకి అడుగుపెట్టారు. బాలకృష్ణ లాంటి లెజెండ్ యాక్టర్తో నటించడంపై కొన్ని ఆసక్తికర విషయాలను మీడియాతో ముచ్చటించారు.
"బాలయ్య సినిమా 'వీరసింహారెడ్డి'లో నటించే అవకాశం రావడం ఒక వరంగా భావిస్తున్నాను. ఈ అవకాశం ఇచ్చిన గోపీ మలినేనికి ధన్యవాదాలు. బాలకృష్ణతో విలన్ రోల్లో స్క్రీన్ పంచుకోవడం నాకు చాలా ఆనందంగా ఉంది. బాలయ్యబాబు ఎలాంటి ఈగో లేకుండా చిన్న యాక్టర్స్ను కూడా బాగా ఎంకరైజ్ చేస్తారు. బాలయ్యబాబు ఎంకరైజ్మెంట్తో మరింత ఉత్సాహంగా ఈ చిత్రంలో నటించాను."
- దునియా విజయ్ , నటుడు
'వీరసింహారెడ్డి' సినిమాలో ముసలిమడుగు ప్రతాపరెడ్డి క్యారెక్టర్ రోల్లో సంక్రాంతి బరిలో దిగనున్నారు. ప్రస్తుతం ఆయన కన్నడలో 'భీమ' అనే చిత్రానికి దర్శకత్వం వహిస్తున్నారు. ఆ సినిమా పూర్తయిన తర్వాత మంచి ప్రాముఖ్యం ఉన్న పాత్రలు వస్తే మరిన్ని తెలుగు చిత్రాలలో నటిస్తానని విజయ్ అన్నారు.
