యూనివర్సల్ స్టార్ కమల్హాసన్ అభిమానులకు శుభవార్త. పలు కారణాల వల్ల తాత్కాలికంగా నిలిచిపోయిన ఇండియన్ 2 మూవీ షూటింగ్ మళ్లీ ప్రారంభించినట్లు తాజాగా దర్శకుడు శంకర్ తెలిపారు. సోషల్మీడియాలో ఈ విషయాన్ని ట్విట్ చేశారు.
శంకర్ దర్శకత్వంలో వచ్చిన భారతీయుడు సినిమాకు ఈ మూవీ సీక్వెల్‌గా తెరకెక్కుతోంది. ఇప్పటికే ఈ సినిమా చిత్రీకరణ కొంత భాగం పూర్తైంది. అయితే కరోనా పరిస్థితులు, షూటింగ్‌లో ప్రమాదం, దర్శక నిర్మాతల మధ్య విభేదాలతో కొంతకాలం క్రితం షూటింగ్ మధ్యలోనే ఆగిపోయింది. విక్రమ్ సినిమా సూపర్ డూపర్ హిట్ కావడం వల్ల ఇండియన్ 2 సినిమా షూటింగ్‌ను త్వరలోనే ప్రారంభిస్తామని ఇటీవల కమల్హాసన్ ప్రకటించారు. ఆ తర్వాత హీరోయిన్ కాజల్ కూడా ఈ మాట చెప్పింది. వీరిద్దరు చెప్పినట్లుగానే తాజాగా ఈ మూవీ షూటింగ్ మళ్లీ ప్రారంభమైంది.
లైకా ప్రొడక్షన్స్‌ బ్యానర్, రెడ్ జెయింట్ మూవీస్ సంయుక్తంగా ఇండియన్ 2 సినిమాను నిర్మిస్తున్నాయి. తమిళనాడు సీఎం స్టాలిన్ కుమారుడు ఉదయనిధి స్టాలిన్ ఈ మూవీకి సమర్పకుడిగా వ్యవహరిస్తున్నారు. కాజల్ అగర్వాల్, రకుల్ ప్రీత్ సింగ్ హీరోయిన్లుగా నటిస్తున్నారు. హీరో సిద్ధార్థ్ ఈ చిత్రంలో కీలక పాత్ర పోషిస్తున్నాడు. బాబీ సింహ, ప్రియా భవానీ శంకర్ ముఖ్య పాత్రల్లో నటిస్తున్నారు. తమిళ యువ సంచలనం అనిరుధ్.. ఈ చిత్రానికి సంగీతం సమకూరుస్తున్నారు. భారతీయుడు-2గా తెలుగులో ఈ చిత్రం విడుదల కానుంది.
ఇదీ చూడండి: మైక్టైసన్తో విజయ్దేవరకొండ ఫైట్, పూరి జగన్నాథ్‌ ఏమన్నారంటే?
