- " class="align-text-top noRightClick twitterSection" data="">
నందమూరి కల్యాణ్రామ్ కథానాయకుడిగా ఓ సరికొత్త చిత్రం తెరకెక్కుతోంది. శుక్రవారం నందమూరి తారకరామారావు జయంతి సందర్భంగా ఈ సినిమా టైటిల్‌ను చిత్రబృందం ప్రకటించింది. మగధ సామ్రాజ్యంలోని హర్యంకా రాజవంశ రాజైన బింబిసారుడు జీవితాన్ని ఆధారంగా చేసుకుని తెరకెక్కుతోన్న ఈ చిత్రానికి 'బింబిసార' అనే టైటిల్(Bimbisara First Look)ను ఖరారు చేశారు. ఈ నేపథ్యంలో 'బింబిసార' మోషన్‌ పోస్టర్‌ను చిత్రబృందం షేర్‌ చేసింది. తనపై దండెత్తి వచ్చిన శత్రుమూకలపై అలుపెరగని పోరాటం చేసిన యోధుడిగా కల్యాణ్రామ్ కనిపించారు.
ఈ చిత్రం ద్వారా వశిష్ట్ దర్శకుడిగా పరిచయమవుతున్నారు. ఈ సినిమాలో కల్యాణ్‌రామ్‌కు జంటగా కేథరిన్‌, సమ్యుక్తా మేనన్‌ నటించనున్నారు. చింతరంజన్‌భట్‌ స్వరాలు అందించనున్నారు. ఎన్టీఆర్ ఆర్ట్స్ సమర్పణలో తెరకెక్కుతోన్న ఈ చిత్రానికి కె.హరికృష్ణ నిర్మాతగా వ్యవహరించనున్నారు.
ఇదీ చూడండి: NTR Jayanthi: బాలయ్య 'శ్రీరామ దండకం' రిలీజ్
