Jr NTR SIIMA Awards : 'దేవర' సినిమా షూటింగ్లో బిజీగా ఉన్న హీరో జూనియర్ ఎన్టీఆర్ తాజాగా తన కుటుంబంతో కలిసి ఎయిర్పోర్ట్లో కనిపించారు. సైమా అవార్డుల కోసం దుబాయ్ పయనమయ్యారు. ప్రస్తుతం దీనికి సంబంధించిన ఫొటోలు, వీడియోలు ట్విట్టర్లో తెగ ట్రెండ్ అవుతోంది. ఇక ఇప్పటికే ఈ ఈవెంట్ కోసం పలువురు సినీ తారలు సైతం దుబాయ్కు పయనమయ్యారు. ఈ క్రమంలో ఎన్టీఆర్తో పాటు హీరోలు యశ్, రిషబ్‌ శెట్టి, హీరోయిన్లు మృణాల్ ఠాకూర్, శ్రీలీల కూడా సైమా అవార్ట్స్‌ వేడుకలో పాల్గొననున్నారు.
మరోవైపు 'సీతారామం' బ్యూటీ మృణాల్ ఠాకూర్ కూడా ఇప్పటికే తన పర్ఫామెన్స్ కోసం ప్రాక్టీస్ మొదలెట్టింది. దానికి సంబంధించిన వీడియోను ఇన్స్టా వేదికగా షేర్ చేసింది. అలాగే ఈ ఏడాది సైమా అవార్డుల్లో 'ఆర్‌ఆర్‌ఆర్‌' ఏకంగా 11 కేటగిరిల్లో నామినేషన్స్‌ దక్కించుకుంది. ఇక 'సీతారామం' చిత్రానికి 10 కేటగిరిల్లో నామినేషన్స్‌ దక్కాయి. మరోవైపు 'కాంతార', 'కేజీయఫ్‌2' సినిమాలకు 11 కేటగిరిల్లో నామినేషన్స్‌ దక్కాయి. తెలుగులో ఉత్తమ నటుడి కేటగిరిలో ఎన్టీఆర్, రామ్‌ చరణ్, నిఖిల్‌, సిద్దూ జొన్నలగడ్డ, దుల్కర్‌ సల్మాన్‌, అడివి శేష్‌ పోటీపడుతున్నారు.
ఎన్టీఆర్తో సెల్ఫీ పోస్ట్ చేసిన బుల్లితెర నటి..
JR NTR Dubai : మరోవైపు ఎన్టీఆర్ వెళ్లిన విమానంలో బుల్లితెర స్టార్, నటి హిమజ కూడా దుబాయ్ వెళ్లారు. ఇక ఫ్లైటులో వీరిద్దరు కలిసిన ఓ ఫొటోను హిమజ ఇన్స్టా వేదికగా షేర్ చేసింది. ఎన్టీఆర్ కనిపించిన వెంటనే 'అన్నా' అని పిలిచాంటూ ఆ పోస్ట్ కింద రాసుకొచ్చింది. ప్రస్తుతం ఈ ఫొటో కూడా నెట్టింట తెగ ట్రెండ్ అవుతోంది.
JR NTR Devara Movie : ఇక జూనియర్ ఎన్టీఆర్ ప్రస్తుతం 'దేవర' సినిమాలో నటిస్తున్నారు. కొరటాల శివ దర్శకత్వంలో తెరకెక్కుతున్న ఈ చిత్రంలో ఎన్టీఆర్ సరసన జాన్వీ కపూర్ నటిస్తోంది. బాలీవుడ్ సీనియర్ నటుడు సైఫ్ అలీ ఖాన్ కూడా ఈ మూవీలో కీలక పాత్ర పోషిస్తున్నారు. శరవేగంగా చిత్రీకరణ జరుపుకుంటున్న ఈ సినిమా వచ్చే ఏడాది ఏప్రిల్లో ప్రేక్షకుల ముందుకు రానుంది.
Tollywood Movies In Summer 2024 : సమ్మర్ బాక్సాఫీస్ వార్.. థియేటర్లలో ఆ స్టార్స్దే సందడి..
